Бөлім: «Нақыл сөздер»

Жауға қарсы шаппаған, аяғына жығылар.

Түнде ұйқы көрмедім, күндіз күлкі көрмедім; қызыл қаным төгілді, қара терім сөгілді; күшімді сарқа жұмсадым, жауға да шаптым құрсанып — бәрі елім..

Қағаны батыр, ақылгөйі кемеңгер елдің бағы жанады.

Бүлдіруші бар жерде мұң да бар.

Дүниенің басы - сайран, түбі - ойран.

Қоғалы көлдер, қом сулар — қойысқа қонған өкінбес,
Арыстандай екі бұтын алшайтып арғымақ мінген өкінбес.

Жұпарын қардай боратып аруды құшқан өкінбес.

Байлықтан артық достық бар, достықтан артық байлық жоқ.

Достық туралы көп сөзден дос пейілді бір іс артық.

Көзіңді ойып берсең де, дос көңілін қалдырма.

Дүниеде достық заңынан асқан заң жоқ.

Қиындықта қол бергеннен асқан берік достық жоқ.

Қанмен бекітілген достықты жаннан безген жаман бұзады.

Скифтер үшін достыққа адал адамдарға құрмет көрсетуден асқан абырой жоқ.

Досыңның арына тигені - өзіңнің арыңа тигені.

Табын-табын малыңмен емес, қатар-қатар қосыңмен емес - ақ адал досыңмен мақтан.

Адамдарды қаны ғана емес, жақсы істері туыстырады.

Досқа адалдық - рухқа адалдықпен бірдей.

Дос көп болмайды.

Өмір - самал, ажал - амал.

Қызыл сөзге салыну - қызған отқа қарылу.

Ерлік жасағанның атасын сұрап алалмас болар.

Құдалық та - достықтың дәнекері.

Келген қонаққа достық көңіл, қонақжайлық пейіл таныту - үй иесінің борышы.

Ерлігі бар - елге жағар.