Қанатты сөздер туралы Нақыл сөздер ✍️

Жаны аяулы жақсыға қосамын деп,
Әркiм бiр ит сақтап жүр ырылдатып.

Елдi билеуден адамның өзiн-өзi билеуi қиын. Жағдайы келгенде бақ көтерiп, таққа отыру бола бередi. Бiрақ соның буымен өзiн-өзi ұстай алмай, абыройын..

Ақылы түгел, ойлы адамның баласы — осы адам баласының жалықпайтын нәрсесi бар ма? Тамақтан да, ойыннан да, күлкiден де, мақтаннан да, кербездiктен де..

Бір қылығың жағып күнде жақсы болмайсың.

Қаруыңның барында қайрат қылмай,
Қаңғып өткен өмiрдiң бәрi де жел.

Қулық, сұмдық, ұрлықпен мал жиналмас,
Сұм нәпсiң үйiр болса,тез тыйылмас.
Зиян шекпей қалмайсың ондай iстен,
Мал кетер, мазаң кетер, ар бұйырмас.

Әйтеуiр анадан тәуiрмiн ғой деме. Жаманға салысып жақсы бола ма? Жақсыға салысып жаман болады-дағы.

Сенісерге жан таба алмай, сенделеді ит жүрек.

Өткен өмір қу соқпақ,
Қыдырады талайды.

Сағаттың шықылдағы емес ермек, һәмиша өмір өтпек — ол білдірмек.

Терiн сатпай, телмiрiп көзiн сатып,
Теп-тегiс жұрттың бәрi болды аларман.

Арсыз болмай атақ жоқ,
Алдамшы болмай бақ қайда.

Әркiмдi заман сүйремек,
Заманды қай жан билемек?
Заманды жаман күйлемек,
Замана оны илемек.

Жақсы кітапты оқу өткен ғасырдағы кемеңгерлермен ауызба-ауыз сөйлескенмен бірдей және олар өздерінің ең озық ақыл-ойларын алдымызға жайып салады.

Театр — сымбатты өнердің ішіндегі ең зор өнердің бірі.

Халық деген бейшара ғой, сойыл соғысқанда бiрге соғысады, үлеске келгенде құм асайды.

Өз топшылауым бойынша, адамның қай мінезі қасиетті болса, сол мінезі міні де болады.

Көзiңдi аш, оян, Қазақ, көтер басты,
Өткiзбей қараңғыда бекер жасты.
Жер кеттi, Дiн нашар боп, Хал қараң боп,
Қазағым ендi жату жарамас-ты.

Ақша бәрiн жасай алады деп есептейтiн адамдар — ақша үшiн бәрiн жасаудан тайынбайтындар.

Үндемеу ақылдың бар екенiн үнемi көрсетпеуi мүмкiн, бiрақ ақымақтықтың жоқтығын дәлелдей алады.

Ақиқат шырағы оны алып жүрушiнiң қолын жиi күйдiредi.

Егер мектептерімізде реформа жасасақ, түрмелерде де аздаған реформа жасау қажет болады.

Әлемдегі ең пайдасыз нәрселер — ең әдемі жаратылыстар. Мәселен, тауысты не лалагүлді айталық.

Адамның деңгейі өскен сайын бейәдеп сөздерді айту ақылға сыймайтын нәрсеге айналады.

Балаларыңызды адалдыққа баулу — тәрбиенің басы.