Бөлім: «Нақыл сөздер»

Іштегі сыр — Аллаға мағлұм: сырттағы құлақ — амал емей немене. 

Қара арғымақ арыса — қарға адым жер мұң болар,Есіл көзден нұр тайса — бір көруге зар болар. 

Қайырсыз итке мал бітсе — аңқаң құрып келгенде саумал бермес ішерге. 

Ақ сұңқар құстың баласы — ұяда алтау болмас па,Ұяда алтау болғанмен, оның ішінде біреуі — ең алғыры болмас па. 

Аздың ісі бітпейді. 

Көп ішінде бір жалғыз,Сөйлеп те сөзі өтер ме. 

Қараша торғай қаз болмас. 

Іштен қыңыр туғанды тезге салсаң түзелмес. 

Құм жиналып — тас болмас, құл жиналып — бас болмас. 

Екі жақсы дос болмас — сірне үстінде xаты бар,Ежелгі дұшпан ел болмас — көңілінде кір, даты бар. 

Айтқаныңа көнбесе, айдауыңа жүрмесе: көңілінде болғаны аласы. 

Абысынның арызы — ағайын сәнін кетірер,Ағайынның арызы — елдің сәнін кетірер. 

Жар басына қонбаңыз — дауыл соқса үй кетер,Жатқа тізгін бермеңіз — жаламенен бас кетер. 

Ит жүгіртіп, құс салсаң — киген тоның түлкі етер,Жаманменен дос болсаң — көрінгенге күлкі етер. 

Дін мұсылман болмаса, тіл мұсылман не пайда? 

Мал араға түспесе, құр айтқаннан не пайда?! 

Рулының — оғы қалса табылар, жалғыздың — тартатұғын жағы қалса табылмас. 

Арту-арту бел келсе — атан тартар бүгіліп,Алыстан қара көрінсе — арғымақ шабар тігіліп.Алыстан жанжал сөз келсе — азулы сөйлер..

Жаулық жолын сүймеңіз: мынау жалған сұм дүние өтпей қалмас демеңіз. 

Өлетұғын тай үшін,Қалатұғын сай үшін,Қылмаңдар жанжал, ерегіс. 

Мал жинасаң қойдан жи — майы кетпес шарадан,Ит жинасаң сырттан жи — мал бермейді қорадан. 

Отының болсын жантақтан,Қатының болсын қалмақтан,Қосының болсын қазақтан. 

Жал-құйрығы қаба деп - жабыдан айғыр салмаңыз,Қалың малы арзан деп - жаманнан қатын алмаңыз.Жабыдан айғыр салсаңыз - жауға мінер ат тумас,Жаман қатын..

Таудан аққан тас бұлақ тасыса құяр теңізге,Қанша малы көп болсын, бай қуанар егізге. 

Жаманнан жақсы туса да, жақсыдан жаман туса да — тартпай қоймас негізге.