Жұмбақтар жауабымен: Оқу жабдықтары, білім

Жұмбақтар жауабымен: Оқу жабдықтары, білім

Бойлаған сайын тереңге,
Шығасың биік белеңге.
Білім

Бір шыққан соң орнына қайтып кірмес,
Қай жақтан келерін де адам білмес.
Азаттығы сонымен дүниенің,
Онсыз тірі ешкім де дәуір сүрмес.
Сөз

Тыста – арқаңдамын,
Сыныпта – партаңдамын.
Портфель

Бір зат бар тілі жоқ,
Ал, сөзінде міні жоқ.
Хат

Үнсіз тілдесесің,
Өзімен күнде өсесің.
Кітап

Қате жазсаң,
Өшіремін.
Бар міндетім –
Осы менің.
Өшіргіш

Сүйегіңнен өтеді,
Жүрегіңе жетеді.
Сөз

Пышақпен ұштала береді,
Бойы қысқара береді.
Қарындаш

Қабат-қабат, қабат-қабат ағаш үй.
Әйнектелген, лакталған тамаша үй.
Тұрады онда әр дәуірдің адамы,
Тұтпайды оны адамның тек наданы.
Кітап сөресі

Мұрнын басса, жабыла сап,
Ернін басса, ашылады,
Ол жоқ жерде, бақыласақ,
Жеті аспабың шашылады.
Сумка

Әрі итерсең аунайды,
Бері итерсең аунайды.
Түрі-түсі түгелдей
Анасынан аумайды.
Глобус

Жез қораның ішінде
Темір құлын кісінеп,
Қайта келіп ісіне
Кіріседі кісі көп.
Қоңырау

Есігі бар төбесінде,
Отырасың келесің де.
Парта

Дүниеге тұмсықсыз-ақ келеді,
Дегенменен тұмсығынан еледі.
Қарындаш

Жоқ өзінде бас та,
Қас та,
Мойын да.
Ұзындығы жазулы тұр бойында.
Сызғыш

Құдығымды қапқа салып,
Бірге өзіммен жүрем алып.
Сәйгүлігім әлсін-әлсін
Су ішеді аузын малып.
Сиясауыт

Білерімнің куәсі,
Білмесімнің куәсі.
Іші толған қолтаңба,
Алып шығам әр таңда.
Күнделік

Қалтамда өмір сүреді,
Қанға толы жүрегі.
Аяғынан тұрмайды,
Төбесімен жүреді.
Автоқалам

Жылжытады алға бізді,
Жылжымайды бірақ өзі.
Класс

Жай көзге көрінбейді
Қозғалуға ерінбейді.
Молекула

Келгенше шамасы
Аямайды көмегін.
Бар адамзат баласы
Содан алар көмегін.
Кітап

Қойған жеріңде жатады,
Қолыңа алсаң өзіңе тіл қатады.
Кітап

Тұмсығымен қозғалар,
Соңынан аппақ із қалар.
Бор

Өзі арық, сөзі – әріп.
Қалам

Сөзі дана, үні жоқ,
Сөйлемейді тілі жоқ.
Қолыңа алсаң шешен,
Ақылы асқан көсем.
Кітап

Ақтан қара өтінді:
Шимайла деп бетімді.
Тақта

Екі өңірін қапсырған,
Сонда барлық тапсырмаң.
Күнделік

Жасыл, сары, қызылмын,
Әжептеуір ұзынмын.
Тұла бойым толған сан,
Түп-түзумін қолдансаң.
Сызғыш

Хабарым жоқ әріптен,
Жазам бірақ дәріптен.
Қалам

Ерекше кескіні бар қызық карта,
Бет-аузы айқыш-ұйқыш сызық карта.
Кескін карта

Жоғалмайды ешқашан,
Түрлендірсек егер де.
Басқа күйге ауысқан,
Жұмыс істейді әрқашан.
Энергия

Қозғалысқа келтіріп,
Жылдамдығын береді.
Өлшемдерін қарасақ,
Ньютонға ол келеді.
Күш

Аяғы біреу, қолы жоқ,
Шиыр-шиыр жолы көп.
Өзі сөйлей білмейді,
Салған ізі сөйлейді.
Қарындаш,қалам

Ұранды, шаттықты,
Өкiнiш, аптықты,
Бiлдiрiп ойын талайдың,
Шарға ине қадаймын.
Лептi сөйлем

Ойды аяқтап орақ тұрады,
Жауап сөз қалап тұрады.
Сұраулы сөйлем

Сөздi құрап, доп тiземiн,
Қоя салсаң бiр тары,
Жаңалықты жеткiземiн.
Хабарлы сөйлем

Ойды аяқтап қорытады,
Соңында доп тұрады.
Сөйлем

Мектептiң алтын орағы,
Зейiндiлер одағы.
Жақсы көрер бар бала,
Зерекке дос ол дағы.
Бестік

Жалқаумен бiр жүретiн,
Құдды қармақ iлетiн.
Жоламайды зерекке,
Сабақтарын бiлетiн.
Екілік

Шәкiрт кездегi,
Бiлiмнiң безбенi.
Баға

Бар бiлiмнiң бастауы,
Бар ғылымның бастауы.
Жас балаға нұр шашқан,
Қандай кiтап тiл ашқан?
Әліппе

Кең алаң – тақырдан,
Шиырлап қайтады.
Ақ қант қатырған.
Бор

Оқуыма төрешi,
Тоқуыма төрешi.
Парақтасам байқалар.
Бiлiмiмнiң өресi,
Онда және жазылған,
Кестем де бар келесi.
Күнделік

Әңгiме, аңыз, ертегi,
Нотасы мен әнi бар.
Суретiн де көр тегi,
Қандай журнал бәрi бар?
«Балдырған» журналы

Бiлiм менен тәлiм,
Парақты ашқанда
Беттерiнен мәлiм.
Күнделік

Елдерi мен қаласы,
Ойпаты мен даласы.
Теп-тегiс тақтай-ды,
Өзенi де ақпайды,
Тоғайы мен тауы бар,
Бұл не, өзiң тауып ал.
Карта

Оқу-бiлiм аспабы,
Қоймасының бас қабы.
Бөлмесi де бiрнешеу,
Тиегi бар ашпалы.
Сөмке

Доп сынды келбетi,
Онда бар түп-түгел,
Әлемнiң әлпетi.
Глобус

Бiр санға өсiрдi,
Өзi қалып орнында,
Бiздi алға көшiрдi.
Сынып

Бөлiнгендi табыстырып,
Бiрiктiрсе қабыстырып.
Жымдастырған жiгiт де,
Байқамайсың түгiн де.
Желім

Әлеуметтік желілерде бөлісіңіз:
Facebook | VK | WhatsApp | Telegram | Twitter

Қарап көріңіз 👇



Пайдалы сілтемелер:
» Туған күнге 99 тілектер жинағы: өз сөзімен, қысқаша, қарапайым туған күнге тілек
» Абай Құнанбаев барлық өлеңдер жинағын жүктеу, оқу
» Дастархан батасы: дастарханға бата беру, ас қайыру

Соңғы жаңалықтар:
» Жоғары оқу орындарына құжат қабылдау қашан басталады?
» Қазақстандағы білім беру деңгейі 10 жыл ішінде қалай өзгерді?
» 85 жастағы қызылордалық ақсақал 2 млн түп ағаш еккен
Пікір жазу
Пікірлер 1
  1. Жүсіп
    Жүсіп 15.06.2024 15:29
    0 + 0 -
    Ншалввоагагктвлужышрур
    Рвшвовоашуш
    Пайдаланылатын графикалық ақпарат алу үшін ақпарат егу картасы анықтама ақпарат егу картасы анықтама жүйесі бойынша монетарлық шолу әлеуметтік нысандардың