» » » Жұмбақтар жауабымен: Егіс пен өсімдіктер өлкесі

Жұмбақтар жауабымен: Егіс пен өсімдіктер өлкесі

Жұмбақтар жауабымен: Егіс пен өсімдіктер өлкесі казакша Жұмбақтар жауабымен: Егіс пен өсімдіктер өлкесі на казахском языке
Қырдан қырайман көрдім,
Судан сүлеймен көрдім.
Қайырылып тұрған тас көрдім,
Тұзсыз піскен ас көрдім.
Диірмен, балық, қауын

Жайлы, жұмсақ төсегім,
Домаланып өсемін.
Қабат-қабат тоным бар,
Қалай оны шешемін?
Орамжапырақ

Асты тақта,
Үсті тақта,
Ортасы жасыл мақта.
Пісте

Бір тауық балапан басты жерге кіріп,
Баласын шығармақшы жерде жүріп.
Ол жерден мойнын созып балалады,
Қарасақ, мыңнан да көп бетін жырып.
Жүгері

Алыстан көрсем ақ тас,
Жақыннан көрсем – дәмді ас.
Күріш

Бала-бала, балалар,
Мүйізінен су шіп,
Таяғынан балалар.
Тары

Мезгілсіз піспейді.
Піспей түспейді,
Шыңнан құласа,
Шекесі іспейді.
Жаңғақ

Тәтті.
Тәттінің іші қатты,
Қаттының іші тәтті.
Өрік

Кішкентай ғана құтыша,
Іші толған мықша.
Анар

Арбиған әкесі бар,
Тарбиған шешесі бар.
Шие ағашы

Пісетін кезі дәл Күзде
Мезгілсіз оны үзбе.
Аузыңнан кетпес бал дәмі
Оның аты...
Шабдалы

Қария күркірейді көбік атып,
Әркім-ақ іздеп барар жүгін артып.
Дарияның ары-бері өткелі жоқ,
Біреуі келген емес тірі қайтып.
Диірмен, бидай

Сырты қызыл, іші ақ,
Қалады ерте пісіп-ақ.
Шалқан

Қыр үстінде қолшатыр,
Асқа айналған сол батыр.
Қозықұйрық

Көктемде ол бір еді,
Күзде мың боп түледі.
Дән

Таңертең де, түсте де
Күнге бетін бұрады.
Тостағанын кішкене
Тосады да тұрады.
Күнбағыс

Елдің сүйер егісі,
Жер астында жемісі.
Картоп

Іші қызыл, сырты көк,
Ала жаздай үрдім доп.
Қарбыз

Іші жұмсақ, сырты қатты,
Еті қызыл, сүті тәтті.
Соғым үшін сайлап қойдым,
Бордақылап байлап қойдым.
Қарбыз

Кіргенде ініне сыңар-ды,
Ұрпағын ертіп ол шығарды.
Картоп

Көйлек, бешпет, халат та
Киген екен қабаттап.
Ақырында июннің
Терлеп, жанып-күйгесін,
Үстегі бар киімнің
Қойды ағытып түймесін.
Капуста

Ешкім де жемейді,
Тәтті екен демейді,
Сарғайып піседі,
Үзіліп түседі.
Жапырақ

Көктемде ақ гүлге оранады,
Күзде қолға доп боп оралады.
Алма

Бақшада піседі
Көп өнім береді.
Көкөніс

Көктемде көктеп шығады талға,
Күзде сарғайып түседі жерге.
Бұл не?
Жапырақ

Тау-тау ақ қар, ерімейді ыстықта.
Мақта

Айтайын мен бір жұмбақ қыл тамаша,
Тыңдама жұмбағымды ұнамаса,
Ішінде дәндері бақша-бақша,
Кішкентай бейнесіне көз тоймайды қараса.
Ол не?
Қарақат

Сырты қызылсары домалақ,
Көрген жан қызығады,
Іші ай сияқты дөңгелек,
Бұны кім табады?
Мандарин

Сопақша көк өңі бар,
Пайдалы мөлдір сөлі бар.
Піскен кезде жияр,
Оның аты...
Қияр

Қырға қызыл кілем жайылды.
Қызғалдақ

Атасы қисық ағаш
Анасы жайма шелпек,
Бір сабақта құж-құж жентек.
Жүзім

Қабат-қабат киінген
Төбеден шашы түйілген.
Жеп көріп едім өзінен
Жас шығарды көзімнен.
Пияз

Сырты сары, іші дәрі.
Лимон

Жазда жатсаң - көлеңкесіне алады,
Қыста жақсаң – жаның рахат табады.
Ағаш

Жасыл ала дөңгелек,
Бақшада жатыр дөңгелеп.
Қарбыз

Ызақор бұғып жатыр,
Сақалы шығып жатыр.
Жуа

Қысы-жазы өзгермес,
Көрсең де күні-түнімен.
Қанша аяз болса да,
Айрылмайды гүлінен.
Шырша

Жеп көріп ем өзін мен,
Жас шығарды көзімнен.
Пияз

Қыста киімін тастайды,
Көктемде киіне бастайды.
Ағаш

Ағайынды бәрі:
Шықса-көк,
Түссе-сары.
Жапырақтар

Әр желінің асты толған көк қоян,
Жаз болғанда көк қоянды жеп қоям.
Қияр

Жерде жатып желіндейді,
Күз түскенше желінбейді.
Қауын

Бұл не деген көп киім,
Жетпіс қабат көп киім.
Жаңбыр одан өтпейді,
Қабат-қабат тоны бар,
Түймелеуге жетпейді.
Орамжапырақ

Қалың киім ұнатады
Шешіндірсең жылатады.
Жуа

Бұтаға ілген үлпершек,
Іші нәрлі қызыл сөл,
Теріп алып үлгерсек.
Бүлдірген

Тұлымы бар төбесінде,
Күлтеленіп шумақталған,
Құлағы бар денесінде,
Сұңғақ бойы бунақталған.
Қамыс

Көлді жердің,
Үкілі аруы.
Өткір желдің,
Саз тартар қаруы.
Қамыс

Саздауыт жерде өседі.
Хош иісі аңқыған,
Шипа өсімдік деседі.
Жалбыз

Аумайды бір қылыштан,
Пұліш түсі жап-жасыл.
Соғылғандай мырыштан,
Өтпейтұғын жап-жасыл.
Қияқ

Өзіне шап шақ,
Киген қалпағы аппақ,
Балалар тұр қаптап.
Бақбақ

Автор: nurgul95 | 43 |


Комментарии для сайта Cackle


Загрузка...

KZ / Жұмбақтар жауабымен жинағы, жұмбақ Егіс пен өсімдіктер өлкесі туралы жұмбақтар жауабымен, жумбактар Егис пен өсимдиктер өлкесі туралы казакша жумбак жауабымен казакша, жұмбақтар жауаптарымен балаларға арналған, балаларга казакша жумбактар жауаптарымен, Егіс пен өсімдіктер өлкесі, жұмбақ Егіс пен өсімдіктер өлкесі туралы жұмбақтар жауабымен жумбактар Егис пен өсимдиктер өлкесі туралы казакша жумбак жауабымен казакша жұмбақтар жауаптарымен балаларға арналған балаларга казакша жумбактар жауаптарымен Егіс пен өсімдіктер өлкес, Жұмбақтар жауабымен: Егіс пен өсімдіктер өлкесі жұмбақтар жауабымен қазақша балаларға жумбактар киын жауабымен логикалық жұмбақтар жауабымен Қазақша Жұмбақтар жинағы