Қызықты жұмбақтар жауабымен



Қызықты жұмбақтар жауабымен жинағы

Судан шықса баладай,
Тәй - тәй басып қалады - ай.
Жауабы: Қаз

Қанаты бар,
Қауырсыны жоқ.
Жауабы: Жарқанат

Күндіз тіпті ұшпайды,
Түнде тышқан ұстайды,
Көзі шамға ұқсайды.
Жауабы: Жапалақ

Тіріден өлі туады,
Өліден тірі туады.
Жауабы: Жұмыртқа


Аяғы түйеге ұқсайды,
Құс болса да ұшпайды.
Жауабы: Түйеқұс
қызықты жұмбақ

Өзі сақ, өзі ұсақ,
Шықылықтап тұрмайды.
Өсекшіге ұқсап,
Құйрығы ұзын, ала.
Бұл қандай құс, бала?
Жауабы: Сауысқан

Сөз үйретсең қайталайды,
Өздігінен айта алмайды.
Жауабы: Тоты

Күндегі тамағы –
Балықтың шабағы.
Теңізге барғандар,
Жағадан табады.
Жауабы: Шағала

Садақша мойнын иілтіп,
Көрген жанды сүйсінтіп,
Жүзгенде көлдің сәні өзі,
Судағы құстың нәні өзі.
Жердегі құстың серкесі,
Көктегі құстың еркесі.
Жауабы: Аққу

Жапанның желдей жүйрiгi,
Жетедi көктiң бұйрығы.
Жеткенде бұйрық, апыр - ай,
Шошаңдай берер құйрығы.
Жауабы: Бүркіттің қоян алуы

Япырым - ау, бір мақұлық осындай - ау,
Қасында екі сойыл емес жаяу,
Шабатын өткір оның қылышы бар,
Қолына түскен жанды болмайды аяу,
Жымқырып қиып алып шықса кәне,
Аспанның ол бір түрлі нажағайы - ау.
Жауабы: Бүркіт

Жайлы, жұмсақ төсегім,
Домаланып өсемін.
Қабат - қабат тоным бар,
Қалай оны шешемін?
Жауабы: Орамжапырақ

Пошымы бар домалақ,
Көріп қойдым сығалап.
Жақсы болса тұрмысы,
Шығады екен қоғалап.
Бес ай тамам біткенде,
Қаптап алдым құмалақ.
Жауабы: Картоп

Асты тақта,
Үсті тақта,
Ортасы жасыл мақта.
Жауабы: Пісте

Бір тауық балапан басты жерге кіріп,
Баласын шығармақшы жерде жүріп.
Ол жерден мойнын созып балалады,
Қарасақ, мыңнан да көп бетін жырып.
Жауабы: Жүгері

Алыстан көрсем ақ тас,
Жақыннан көрсем – дәмді ас.
Жауабы: Күріш

Бала - бала, балалар,
Мүйізінен су шіп,
Таяғынан балалар.
Жауабы: Тары

Өзі қызыл,
Бауырында бар,
Жалғыз сызық.
Бұған жұрттың,
Бәрі де ынтық.
Жауабы: Бидай

Мезгілсіз піспейді.
Піспей түспейді,
Шыңнан құласа,
Шекесі іспейді.
Жауабы: Жаңғақ

Тәтті.
Тәттінің іші қатты,
Қаттының іші тәтті.
Жауабы: Өрік

Кішкентай ғана құтыша,
Іші толған мықша.
Жауабы:
Анар

Арбиған әкесі бар,
Тарбиған шешесі бар.
Жауабы:
Шие ағашы


Қозғалмай бір орнында қарап тұрар,
Адамның қажетіне жарап тұрар.
Қаншалық жәбір көрсе, сабыр етіп,
Және де көбеймекке талап қылар.
Жауабы:
Ағаш

Басына үлпүлдетіп таққан шашақ,
Бұралып тал шыбықтай тұрған жасап.
Жауабы: Қамыс

Мен тұрып бір таяқты қолыма алдым,
Ішіне қошқыл қызыл бояу салдым.
Қызарып сол бояудан шыққан таяқ,
Ұрғанда созылады қайран қалдым.
Жауабы:
Темір

Әне барды өзі,
Көрінбейді ізі.
Жауабы:
Жел


Ақ сиыр тұрып кетер,
Қара сиыр жатып қалар.
Жауабы:
Қардың еруі

Төгілген жерге ақ моншақ,
Ғайып болды сол шақта - ақ.
Жауабы:
Бұршақ

Қыс жатады, жаз тұрады,
Жоқ болса да қол - аяқ қаз тұрады.
Жауабы:
Қар


Қуып едім мойын бұрмады,
Ұстайын деп едім қолға тұрмады.
Жауабы:
Боран

Өнері жоқ, қолы жоқ,
Сурет салуды біледі.
Жауабы:
Терезедегі қырау

Кетпейді қасымнан
Сипайды шашымнан.
Желпиді, өбеді,
Бетіме төнеді.
Емес ол жырақта
Көрінбес бірақ та.
Жауабы:
Самал
Даусы азанда,
Жақсылығы қазанда.
Жауабы:
Бұзаулы сиырдың мөңірегені

Бiр тұтам, екi тұтам
Басы айыр жүндi тұтам.
Жауабы:
Сирақ, бақайшақ

Жездекем бастап барады,
Жез түймесiн тастап барады.
Жауабы:
Жылқының тезектері

Айтарын айт дегенде, ая батыр,
Болғанда асты гауһар, үсті шатыр.
Қазандай қара тастың дәл түбінде,
Бір түрлі адам таппас зәһар жатыр.
Жауабы:
Малдың өті

Ұзын сабалақ есiк ашты,
Қара домалақ тұра қашты.
Жауабы:
Түйенің құмалағы

Дүниеде ағаш бар бек жайлаған,
Жанына адам барса ойбайлаған,
Ағаштың адам білер мінезі бар,
Мінгесіп екі бала той - тойлаған.
Жауабы:
Түйе және оның өркеші

Өреді қайраңдап,
Келеді байпаңдап.
Қарғып түсіп өзенге,
Малтиды тайқаңдап.
Жауабы:
Қаз

Қық - қық етеді,
Кезіп жүріп көшені.
Жата қалса орнына,
Ақ доп тастап кетеді.
Жауабы: Тауық

Әлеуметтік желілерде бөлісіңіз:
Facebook | VK | WhatsApp | Telegram | Twitter

Қарап көріңіз 👇



Пайдалы сілтемелер:
» Туған күнге 99 тілектер жинағы: өз сөзімен, қысқаша, қарапайым туған күнге тілек
» Абай Құнанбаев барлық өлеңдер жинағын жүктеу, оқу
» Дастархан батасы: дастарханға бата беру, ас қайыру

Соңғы жаңалықтар:
» Қазақстан пойыздарында үй жануарларын тасымалдау ережелері
» Қазақстандықтар шетелге шығуға жылына қанша жұмсайды?
» Су тасқынынан зардап шеккендерге қосымша тағы 553 мың теңге төленеді
Пікір жазу
Пікірлер 4
  1. Тұрғандай Айзере
    6 + 6 -
    Өте
  2. Оқырман Шолпан
    Оқырман Шолпан 04.08.2023 09:04
    8 + 4 -
    Сіздердің жумбақтарыңыз маған қатты унады өте кушті болды????
  3. АБДИРАЙМ АЙГЕРИМ
    15 + 6 -
    Жұмбақтарды қайдан табуға болады?
    Бағанадан бері таба алмай жатырмын ғой.
  4. ЕЛДАР
    ЕЛДАР 10.02.2021 18:25
    12 + 12 -
    ЕЛДАР керемет ?

Ілмектер: қызықты, жұмбақтар