Сыр туралы ✍️

Ілмек бойынша іздеу:

Досыңа өтірік айтпа,
Дұшпаныңа сырыңды айтпа.

Ауыз ашса, сыр көрінеді,
Есік ашса төр көрінеді.

Жауға жаныңды берсең де, сырыңды берме.

Алысар болсаң, шыныңды айт,
Табысар болсаң, сырыңды айт.

Дұшпанның шырын алам десең,
Суыртпақтап сырын ал.

Жауға жаның берсең де
Сырыңды берме.

Жатқа мініңді айтпа,
Жаманға сырыңды айтпа.

Желауыз адамға, сыр айтпа,
Жебір ауыз адамға, мұң тайпа.

Сырын білмеген адамға
Сырыңды айтпа.
Қасақы қу жаманға
Шыныңды айтпа.

Сырын білмес адамға
Сырыңды айтпа.
Сырын білмес атанға
Жүгіңді артпа.

Сабын кірді ашады,
Сабырсыз сырды ашады.

Сыр ашу оңай,
Сыр түю қиын.

Жаманға сырыңды айтпа,
Сырыңды айтсаң да, шыныңды айтпа.

Жаманға сырыңды айтсаң
Жарға жығады.

Тақыр жерге су төксең,
Жүруге тайғақ болар.
Жаманға сырыңды айтсаң,
Тар жерде айғақ болар.