Жат туралы Мақал-мәтелдер ✍️

Жақыныңды жаттай күт,жат көрсін де түңілсін,Бір-біріңді қадір тұт,жұрт үлгі алсын, үңілсін

Ағайынды жатқа сатқан жаман,Биесін атқа сатқан жаман

Кезіккен кісі өзің болмас,Жат пен жақын бірдей болмас.Кезіккен кісінің барлығы өзіңдей болмайды. Сондықтан шын сырыңды оған айта берме. Сондай-ақ жат..

Өз өлтірмес, жат жарылқамас.

Жатқа жалданған жазда да жаурайды.

Әрбір адам ақылды бола бермейді,
Жат пен жақын бірдей бола бермейді.

Ауылыңда қартың болса, хатың сол,
Жаманың болса, жатың сол.
Жақсылық болса, жақының сол.

Жаттың атына мінген тез түседі.

Өзіңді жаттай сыйла,
Жат бойыңнан түңілсін.

Жыласуға сөз жақсы,
Сыйласуға жат жақсы.

Артқы айылдың басқанын иесі білмес, ат білер,
Ағайынның азғанын жақын білмес, жат білер.

Ағайын туған кімде жоқ,
Сыйласпаса одан жат жуық.

Жақыныңды жаттай сыйла,
Жат жанынан түңілсін.

Арық деген жаман тай,
Жазға шығып ат болар.
Жамандығың сезілсе,
Жақын кісі жат болар.

Көрмесе жат, көріспесе ұят.

Қыз - жат жұрттық.

Жақыныңмен жауласқан
Жатқа мазақ болар.

Түпкі айылдың батқанын
Иесі білмес, ат білер.
Ер жігіттің кәдірін
Ағайын білмес, жат білер.

Жатқа мініңді айтпа,
Жаманға сырыңды айтпа.

Қайыптан тапқан алтыннан
Ақсақал берген бата артық
Қайыры жоқ жақыннан
Жаны жақсы жат артық.

Жақыныңды жат етсең
Жатқа күлкі боласың.

«Арық» деген жаман тай,
Жазға ілінсе — ат болар.
Бастан бақ, қолдан мал кетсе,
Жаман жұрат жат болар.

Жақында да, жақын бар,
Жақынға бергісіз жатың бар.

Жақыннан жаман жат жоқ.

Сұмырай келсе — су қат.
Ашаршылық келсе — ағайын жат.