Бөлім: «Нақыл сөздер»

Жолдасын таппаған ер азады,
Басшысын таппаған ел азады.

Білім – бақтың жібермейтін қазығы,
Білімсіз бақ – әлдекімнің азығы.

Аузымен айды алып, қолымен қосаяқ соға алмайтын жандар бар.

Азамат сыны – ерлік, ерлік сыны – елдік.

Қыл өтпестей татулықты бір ашуға сатпайық.

Өнерпаз болсаң, өр бол.

Бұл дәуірде өз тілін, әдебиетін білмеген, қадірлемеген адам толық мәнді интеллигент емес деуге де болады. Себебі, ол қандайлық мамандық білімі болса..

Өзіне өзі ғашық болу - адамның үлкен соры, бұл ең алдымен өзімшілдікті, күншілдікті туғызады.

Кісінің бір ғайыбын маған айтқан адам – менің жүз ғайыбымды кісіге айтар.

Ұстаз – ұлы есім.

Жауға – жалынба, досқа – тарылма.

Адам көркі – ақыл.

Амал: кіжіну бар, килігу жоқ.

Адам баласының жаман құлқы жаратылысынан емес, өскен орта, алған үлгі, өнеге білетіндігінен және түзелу, бұзылу жас уақытта болады.

Алтын анам, Отаным, сенен аяр жаным жоқ, сенен үркер күшім жоқ - деп ер қайратыңа мін дағы, өрге бас.

Өзіне-өзі ғашық болушылық – бұл адамның үлкен соры. Бұл, ең алдымен, өзімшілдікті, күншілдікті туғызады.

Күшіңе сенбе, адал ісіңе сен.

Жігітті жылы сөз ширатпайды, қатты сын ширатады.

Шын көңілден айтылған тілекке — шындықпен жауап беру парыз.

Біз үшін халықтар достығынан артық идеал болмақ емес.

Жұмбақ - сөз образының кілті,
Ақындықтың ұрық-дәні.

Мақал-мәтелдердің молдығы, олардың тамаша поэтикалық формасы, шебер түрде берілген терең, тіпті философиялық мән-мағынасы – осындай тамаша үздік..

Әйел-ана бір қолымен бала тербетсе, бір қолымен әлемді тербетеді.

Абайдың барлық өлеңі – қазақтың сол күшті тілінің ішінен туған асыл құрыш, қырдағы қалың қазақтың осы күйге шейін сөйлеп жүрген жалпақ тілінің..

Әнге әуес, күйге құмар бала жаны сұлу, өмірге ғашық болып келеді.