Бөлім: «Нақыл сөздер»

Орынды іске, пайдалы қаталдыққа ешкім өкпелемейді.

Әркімде аяушылық сезімі болуы керек. Аяушылық сезімі жоқ адам қауіпті.

Әр іс - әрекеттің тууына түрткі болар себеп бар. Адамның әр қарекетінен оның жан дүниесінің сыры аңғарылады.

Арлы адам — ардақты, ар —ардақтың анасы.

Азамат жолы — ар жолы.

Үмітін жоғалтқан жан, ешқашан үміттеніп көрмеген жан.

Анамыздың ақ сүтімен бойымызға дарыған тілімізді ұмыту – бүкіл ата-бабамызды, тарихымызды ұмыту.

Білмей тұрып билік айтудан аулақ болғын.

Өз ұлтын сүю - өзге ұлтты жек көру емес.

Ел үшін аянба – ерлігіңе сын,
Жұрт үшін аянба – жігіттігіңе сын.

Әрбір азамат өз ұлтын сүюге тиіс және өз ұлтына деген терең сүйіспеншілігі мен мақтаныш сезімі арқылы басқа ұлттарды танып, құрметтеп, оларды сүйе..

Шындық – бұл ерлікке тәрбиелеудегі ең бір құнарлы құрал.

Үйрете отырып, үйрену ғана жеміс береді.

Әділдікті мойындау— адал кісінің ісі.

Жақсы командир жауынгерін зор етеді,
жаман командир офицерін қор етеді.

Кір-қоқыс адамды аздырып, тоздырады.

Ұлыны ұлы ұғады, дананы данышпан ғана түсінеді.

Отан үшін отқа түс - күймейсің.

Адал болмай азаматпын демегін.

Адамды бұзатын не? Тағы сол атақ, ақша, арақ. Осы үшеуі. Төртіншісі әйел демеймін. Алғашқы үшеуінің буына бөртіп, әйелдерді біз - еркектер бұзамыз...

Терлеп еңбек етпегеннің тілегіне жеткенін көргенім жоқ.

Ақылдың артықтығы, кеңестің көптігі жоқ.

Өзінің ұлтын сыйламаған, ұлтын мақтаныш тұта да алмайды, ол сөз жоқ арамза, тексіз әрі қаңғыбас.

Ұрлық, опасыздық – бұл ұлттық дәстүрлер емес, ұлттың ішінде көркеуделік.

Ұлттық мақтаныш – сол ұлттың адамы үшін қасиетті әрі бұзылмас заң.