Өлеңдер ✍️
  31.08.2022
  216

Автор: Ұлықбек Есдәулет

ТАУ САМАЛЫ

Ақ самал соқты аңқылдап,
Сабаттар қалды салқындап.
Қанат қақпастан қалқыды,
Қазбауыр бұлттар қаңқылдап.
Қымсынбай соқты төрлетiп,
Құраққа құлаш серметiп.
Бөленiп жатқан бұлақтың
Бесiгiн бипаз тербетiп.
Сақауат сазын сырнайдай,
Сiмiрдi сәуiр бiр қанбай.
Арқасы қозып
Ақ бас шың
Аңқылдай сөйлеп тұрғандай.
Үкiсiн таққан сәндi бау,
Сыланды бейне сал-жырау.
Әңгiмелескендей әкеммен,
Серпiлiп мен де қалдым-ау.


  тау Самал Ұлықбек Есдәулет өлеңдері Ұлықбек Есдәулет

Әлеуметтік желілерде бөлісіңіз:
Facebook | VK | WhatsApp | Telegram | Twitter

Қарап көріңіз 👇
  ҚЫСҚЫ БАҚ ᐈ
  АЛМАТЫ. КөКТАЙҒАҚ ᐈ
  ТЕРМОМЕТР ҚИРАДЫ ᐈ
  ЖАНКҮЙЕР ᐈ
  КөҢIЛIМ МЕНIҢ МАЗАСЫЗ ᐈ

Пікір жазу