Өлеңдер ✍️

Бақытымның базары — денсаулығым,
Денсаулығың барында базарың бар.
«Дені саудың жаны сау» —дейді Қазақ,
Ден сау болса баурайтын ажарың бар.
Бақытымның базары — уайымсыз күн,
Уайымсыз күн жанымның тыныштығы.
Алаңдамай таң атып, күнім батса,
Өмірімнің өтеді тыныш күні…!
Бақытымның базары — жақындарым,
Жақындарым барында күнім жақсы.
Денсаулығы мықты боп, аман болса,
Баға жетпес бақытым, құным басты.
Бақытымның базары — балам менің,
Балам барда қуатым еселенер.
Анам барда бақытым ортаймайды,
Бақытымның базары өсе берер.
Бақытымның базары — бауырларым,
Олар барда мерейім үстем болар.
Бауырларым бақытым, сендер барда,
Қиындықтың біздерден күш кем болар…!
Бақытымның базары — амандығым,
Амандығым үмітім сөнбейтұғын.
Сенімім бар Аллаға, Жаратқанға,
Бұл жанымды уайымнан емдейтұғын…!
Бақытымның базары тарқамасын,
Бақытымен тербелеп алдағы күн.
Жаратқаным жар болсын баршамызға,
Шуақ шашқан күн сыйлап, таңдары нұр…!