Жаман туралы  ✍️

Ілмек бойынша іздеу:

Басқа: 1
Мақал-мәтелдер: 395
Тақпақтар: 4
Өлеңдер: 71
Жаңылтпаштар: 2
Нақыл сөздер: 93
Туындылар: 1
Әңгімелер: 8
Шығармалар: 1
Аңыздар: 1

Бұлттан шыққан күн ащы,
Жаман қатынның тілі ащы.
Жақсы адам тауып сөйлейді,
Жаман адам қауып сөйлейді.
Жақсы қартайса, жазып қойған хаттай,
Жаман қартайса, бықсып жанған оттай.
Жақсы атын мақтар,
Жаман қатынын мақтар.
Жақсы алдында жалдырарсың,
Жаман алдында тарынарсың.
Жақсы жүрген жеріне кент болар,
Жаман жүрген жеріне өрт салар.
Жақсы аттан жығылса,
Жаман табашы болады.
Жаманға сырыңды айтпа,
Сырыңды айтсаң да, шыныңды айтпа.
Тегі жаман тойда тонын сұрар.
Жаман жігіт той бұзады,
Жаман әйел үй бұзады.
Жаман ашса көрмес,
Айтса білмес.
Жаманның ақылы
Түс ауған соң кіреді.
Жаманға сырыңды айтсаң
Жарға жығады.
Айтқызған - жамандықтың белгісі,
Қамшылатқан - шабандықтың белгісі.
Адам туа жаман болмайды,
Жүре жаман болады.
Айыратын жаман бар, қосатын жаран бар.
Екі жаман ауыл болмас,
Ауыл болса қауым болмас.
Арық малды асырасаң аузы-мұрның май болар,
Жаман адамды асырасаң аузы-мұрның қан болар.
Екі жақсы қосылса, айрылысуға қиыспайды,
Екі жаман қосылса, кең дүниеге сиыспайды.
Жақсы арына құл, жаман малына құл.
Арықпенен семіздің бауыры бірдей,
Жақсыменен жаманның жаны бірдей.
Арық атқа жал бітсе, жанына торсық байлатпас,
Жаман адамға мал бітсе, қасына қоңсы қондырмас, қондырса да ондырмас.
Шөлдің қамысы болмайды.
Жаманның намысы болмайды.
Жапа шегіп, жай жату
Жасықтықтың белгісі,
Ерте жатып, кеш тұру
Пасықтықтың белгісі.
Күтімі жаман ағаштың
Бітімі жаман.