👈 қаріп өлшемі 👉

Қарт туралы Мақал-мәтелдер ✍️


Мақал-мәтелдер: 36
Тақпақтар: 6
Өлеңдер: 80
Жаңылтпаштар: 1
Нақыл сөздер: 7
Баталар: 3
Туындылар: 1
Әңгімелер: 24
Ертегілер: 2
Анекдот, әзілдер: 2
Аңыздар: 2

Жас адам-қызметке, қарт адам-кеңеске.
Көп қарттың ішінде бір бала дана болар,Көп баланың ішінде бір қарт бала болар.
 Қартайған адам нашар көрсе де, көпті көреді.
—  Жебірей
Қартайған уақытша үйленеді.
Жөтелгені-қарттың күлгені.
Адам өзін еңбектен қалдырмағаны,Қарттыққа аяғын алдырмағаны. 
—  Ыбырай Жақаев
Балалар ойнап жүріп су төгеді,
Қарттар тайып жамбасын сындырады.
Әкеңе игілік етсең,
Балаңнан соны күт, қартым.
Ауылыңда қартың болса, хатың сол,
Жаманың болса, жатың сол.
Жақсылық болса, жақының сол.
Ақылсыз қарт өкінішпен қартаяр,
Есті қарт қайғырмай-ақ қартаяр.
Ақыл жастан шығар,
Жүйрік аттан шығар.
Ақыл қарттан шығар,
Асыл тастан шығар.
Халықтың қартын сыйлауы,
Еліңнің салтын сыйлауы.
Сыйлай білсең кәріні,
Жарылқаймын бәріңді.
Қарт кебінін қапта сақта,
Өлігін апта сақта.
Қарттар сөзі бекер кетпейді,
Шыбық ексең – бақ үзілмейді.
Қарт кісіні қадірле, өзің де қарт боларсың.
Ауылыңда қартың болса, жазып қойған хаттай болар,
Есік алдыңда төбең болса, ерттеп қойған аттай болар.
Ескі мақұл дауласса, сөздері асқар ала..
Алты жасар бала алыстан келсе,
Алпыс жасар кәрі алдынан шығар.
Көп қарттың ішінде бір бала дана болар,
Көп баланың ішінде бір қарт бала болар.
Қарты бар үйдің құты бар.
Кәрісі кімнің бар болса,
Хаты соның қолында.
Қартың болса, жазып қойған хатпен тең.
Қарт келсе асқа,
Жас келсе іске.
Қартайған ата марқаяр —
Қанатын жазып қызы өссе,
Қартайған ата марқаяр —
Халыққа жағып ұлы өссе.

Біз cookie файлдарын пайдаланамыз!
Біздің сайтты пайдалануды жалғастыра отырып, сіз сайттың дұрыс жұмыс істеуін қамтамасыз ететін cookie файлдарын өңдеуге келісім бересіз. Cookie файл деген не?
Жақсы