👈 қаріп өлшемі 👉

Жолдас туралы Мақал-мәтелдер ✍️


Мақал-мәтелдер: 92
Өлеңдер: 58
Нақыл сөздер: 18
Әңгімелер: 10
Ертегілер: 1
Анекдот, әзілдер: 1
Аңыздар: 1
Эсселер: 1

Жақсы жолдас – шарапат, жаман жолдас – кесапат Жақсы жолдас – шарапат, жаман жолдас – кесапат. Жолдасың жақсы болғанда, ақыл табар қат-қабат.("Қыз..
Әдісіңді ақылыңа жолдас ет.
—  Естеу ЖҮНІС
Қайратыңды әдісіңе жолдас ет.
—  Естеу ЖҮНІС
Мен бір рет көрдім-таныс; екі рет көрдім-жолдас; үшінші реті көрдім-дос
Қажымалы мың жолдас, жоқпен тең, Жанын қиған бір жолдас, көппен тең.

«Қажыту» деген қинау, мазалау дегенді білдірсе керек. Ондай көп..
—  Гүлтас Құрманбай
« Жақсы жолдас ерттiм дегенше, Жарты жолдан өттiм де»
Адамның жас күнінде жолдастары көп болады. Бірге ойнаған да жолдас, бірге жүрген..
—  Гүлтас Құрманбай
Жолдасыңмен тату бол – өзгермесін ол адам.
Үй тауығын аяла, қырғауыл қумай даладан.
—  Махмұд Қашқари
Би асылдан асыл болмас,
Би асылмен жолдас болсаң,
Мұратың, сірә да, хасыл болмас.
Бауырласың болмаса, жолдас ізде,
Жақсы жолдас — бауырлас.
Әркім өзі күтеді өз басын,
Жаман кемітеді жолдасын.
Атасы басқамен жолдас болма,
Атарда жанына байланар.
Жолдас болма айғаққа,
Сүріндірер тайғаққа.
Жалғыздықтан гөрі,
Ақымақ болса да, жолдасың болғаны абзал.
Жолдасыңның қолымен жылан ұстама.
Жолдас қадірін жорықта білесің,
Дос қадірін соғыста білесің.
Етігің жаман болса, аяғыңды қажайды,
Жолдасың жаман болса, жаныңды қажайды.
Жолдасы жақсы жауға алдырмайды,
Қара басын дауға қалдырмайды.
Қорқақ тірідей өледі,
Жолдастары күнде көмеді.
Жолдастарың күзеттегі саған сенеді,
Қырағы қыран көзіне сенеді.
Денсаулық ғаныбет,
Сырқаулыға болмаса.
Ер жолдасы - қатыны,
Ақ жаулығы болмаса.
Жаман жігіт
Жолдасын жауға алғызар,
Өзін ұятқа қалғызар.
Пышағыңды қайрап жүр, не соярыңды білсеңіз,
Жауабыңды сайлап жүр, жолдасыңның не сұрарын білсеңіз.
Жақсыны жолдасынан таниды.
Бөрі де жолдасына қас қылмайды.

Біз cookie файлдарын пайдаланамыз!
Біздің сайтты пайдалануды жалғастыра отырып, сіз сайттың дұрыс жұмыс істеуін қамтамасыз ететін cookie файлдарын өңдеуге келісім бересіз. Cookie файл деген не?
Жақсы