Өлеңдер ✍️

Сіз...
Тағы да көп нүкте...
Қиыры жоқ қиял ғана ендігі.
Тағдырымызға көндік пе?
Қайда қалды махаббаттың ерлігі.
Бірақ, бәрі белгілі.
«Біз», деп қою жазылмапты үтірді,
Төніп келді леп белгі!
Бес күн жалған бетімізге түкірді
Сірә, сезім екеумізге тек келді.
Бәлкім, бақыт жек көрді.
Бұйырмапты ештеңе
Қойды тағдыр қап-қара кеп нүктесін.
Күнді- күнге жалғастырған көш -кеме
Депті «шаттық күтпесін!»
Біздік сезім тұрмады ма түкке, шын?
«Біз?» дедік та сұрақ қойдық үмітпен,
Бір болуға ынтығып.
Бақыт көшке өзге жандар іліккен
Ал біз... көзге қала бердік мұң тұнып.
Жай ұмтылып, ұмтылып...
Екі түрлі алды жақша бүгінде,
Бір тырнақша бұйырмапты шіркін-ай.
Бұл өмірден түңілген
Сезіміміз қалды даусы шырқырай.
Дәл осылай өтесің бе бұл күн-ай?...