Өлеңдер ✍️

Шыңғырысқан кімдер бұл, шыңнан ұшқан қылаң ба!?
Көктен келді бір дауыс,
«Ұлтым» деген ұран ба!?
Жерден келді бір дауыс
Қағынан қашқан құлан ба?!
Жар астында бір дауыс, айдаһар тектес жылан ба?!
Желмен келді бір дауыс егізден қалған сыңар ма?!
Құйқам жатыр қоңырсып, қуырған қара табада.
Сағана тамның басында,
Сары шалдың қасында,
Өмір де деген көк толқын, Мен қалдым солай жағада.
Құлпытас қолын жайып тұр,
Құран шығып бозторғай,
Маңғыстау деген мекенде, екі көзі аға да.
Ай сызат түсті-ау араға.
Шырын да шипа қайда бар, жүректе қалған жараға!?
Бозторғай дейді: «Айта бар!..
Ат жүрісін тай салар,
Əділетсіз зорлықтың,
Есесін көктен бір күні – Əділ де Құдай қайтарар!»