Өлеңдер ✍️

Боласың деген бақытты,
Бал ашқан кезде біздерге.
Айтпады неге ай-күнін,
Айнымай үміт үзбеуге.
Күтумен енді күн өтпес:
Тыншу жоқ тіпті жас жанға,
Телмірдік үнсіз аспанға, –
Туар деп жұлдыз тілектес.
Боласың деген бақытты,
Бал ашқан кезде біздерге.
Айтпады неге айқындап,
Айнымай бірге іздеуге.
Ешкім жоқ бізді елеген,
Телміре қарап аспанға,
Таң да атып сәуле шашқанда, –
Болмады жұлдыз жебеген.
Боласың деген бақытты,
Бал ашқан кезде біздерге.
Айтпады неге айқындап,
Адаспай қайдан іздеуге.
Серуенге шықтық асығып,
Серуеннен қайттық сақсынып...
Шалшықта жаңбыр, тамшы ұрып,
Жұлдыздар жатты шашылып...