Өлеңдер ✍️

Мен - бір таудың Таутекесімін!

Мен - бір таудың таутекесімін.

Табаныма тас берген жомарт тағдыр.

Жуынуға жас берген ырыс – жаңбыр.

Тынысыма нәр берген қош иіс гүл.

Мен - бір таудың таутекесімін.

Еркін өскен еркіндікте еліріп,

Самалына сар даланың семіріп,

Жоталартың жондарында желігіп,..

Мен - бір таудың таутекесімін.

Тілегі болған аңшы ағалардың.

Кәдесі болғам қарт бабалардың.

Жүрегі болғам жас балалардың.

Мен - бір таудың таутекесімін.

Ауасын жұтқан Алтай-Қобданың.

Жотасын жортқан жазира-Арқаның.

Шыңына шыққан шығыс шыңдардың...

Қабілет Бәделхан