Бөлім: «Нақыл сөздер»

Кедейлік – жағдайына шүкірлік етіп, ешкімге шағымданбай, қажеттілігін жасыру деген сөз.

Өлімнен ұят күшті

Ат - шабысына қарай шабады, ер - намысына қарай шабады.

Кәрінің үш түрі болады: біріншісі - қадірлі қария, екіншісі - қазымыр кәрі, үшіншісі — қадірі жоқ қыдырма шал.

Ата тұрып ұл сөйлесе — ер жеткені болар,
Ана тұрып қыз сөйлесе — бой жеткені болар.

Ағаңнан айырылсаң — қанатыңның қайырылғаны,
Әкеңнен айырылсаң — асқар тауыңның шағылғаны,
Сүйген жарыңнан айырылсаң— жапырағыңның..

Азамат жетім болмайды - халықтан болса панасы, халық жетім болмайды - басшы болса данасы.

Ешкісі семіз, қойы арық-мал сорлысы,
Топырағы сортаң, суы ащы — жер сорлысы,
Әйелі семіз, ері арық — ел сорлысы.

Қарадан хан болсам — халқым қалаған болар,
Айырдан нар болсам — атам жараған болар,
Жоқтан бар болсам — құдайым қараған болар.

Дәурені озса — жасы жеткені болар, қамқа тозса — күтімі кеткені болар.

Бір аяқ сусын екі кісінің құны: су табылмаса шөлдеген өледі, ұяттан — тауып бермеген өледі.

Мен ағайынды екеумін: біреуі - өзім, екіншісі - халқым.

Халық — көл, хан — құс.

Таудан биік көңіл бар, теңізден терең ғылым бар, оттан бетер - қайғы-зар.

Табалдырықтан биік тау жоқ,
Жаман ағайыннан асқан жау жоқ.

Біреудің түйе жаятын кісісі жоқ,
Біреудің намаздан басқан ісі жоқ.

Өткінші ләззаттарға, тез бітетін дүниеліктерге алданбау керек.

Қарызынан бір тиын иесіне қайтару - көп алтын садақа беруден де жақсы.

Көптеген кіші амалдар ниетпенен өседі, қаншама үлкен амалдар болса ниетпенен кішірейеді.

Егер надандар тыйылып сөйлемегенде, адамдар арасында түсінбеушілік болмас еді.

Адамның бір атаның баласы екені рас болса, белгілі бір заманның баласы екені де даусыз.

Адамның шын мағынасымен "Адам" болуы үшін өзін сүю, жақындарын сүюмен қанағаттанбайды, жалпы адамзатты сүюі шарт.

Ұлт үшін тілінен қымбат еш нәрсе жоқ.

Бала тілінің дұрыс өркендеуінің бірінші шарты – балаға сөзді бұзып сөйлемеу керек.

Білімдіңнің сөзі — ем, мейірімі көп, өзі кең!