Бөлім: «Нақыл сөздер»

Суарған семсер секілді, жастықта жатпа, жайраңда! 

Ой – көңілдің еркетайы, жыр – жүректің бұлбұлы. 

Өмір – өзен, өлім – құрдым. 

Өмір – өзен күні-түні ағады, үстеп оны тұрмыс уы тамады. Өмір у ғой, ішпеген жан арманда, ішкен адам қандай ләззат табады?.. 

Оймен жыр тап, жырмен түр тап. 

Жаннан безген жырдан басқа, жас жүректің кімі бар?! 

От жалын ой. 

Ойдан – қуат, жырдан – қанат. 

Жырла да, зарла, көңілім, қалың қайғың қайнасын. Қиялдың құсы егіліп, іштегі дертті айдасын. 

Оты сөнген ер жүрек қалар мұздап. 

Жатсаң – ойда, тұрсаң – жырда, жанған жүрек емі бар. 

Тұрмыс деген тәңір атқан, ұйықтап жатқан айдаһар. Оят тағы, ауызынан, бақ дегенді барып ал! 

Бүйтерін кім біліпті бұл жалғанның, Сендім де, ал дегенін қабыл алдым. Жолымнан жауыз тағдыр жаңылдырды, О, дүние-ай! Мезгілімнен қапы қалдым. 

Жалғанда жұмақ – жазғы жел. 

Инабат — ердің азығыБақыт пенен дәулеттіңҰстайтұғын қазығы. 

Адам ерлігінің ең зор сынағы - жеңіліске ұшырағанда рухы түспеу. 

Қайыр берген қол бата берген ауыздан артық. 

Көмек көрсеткен қол жалбарынған ауыздан қасиеттірек. 

Сырлы тіл, жырлы тіл, нұрлы тіл - қазақ тілін ғасырлар бойы қастерлеп сақтағандарыңыз үшін, қазақ бауырлар, сіздерге бек зор рахмет! 

Қазақ тілі - түркі тілдерінің ішіндегі ең бір таза тілдердің бірі.

Ғылыми, әдеби тілдік және тарихи тұрғыдан қарағанда қазақ тілі - түркі тілдерінің ішіндегі өте әсем, өте бай тілдердің бірі. 

Қазақ тілі - түркі тілдерінің ішіндегі ең таза әрі бай тіл. 

Ай - ортақ, қайырлы болса - бай ортақ. 

Сұлу қызға - той керек, асылдарға - ой керек. 

Жақсы болса іні — ортақ.