Өлеңдер ✍️

Қабырғада ақырзаман туралы сурет ілулі тұр,

Шым-шытырық бояулар көз сүріндіреді.

Сол бояулардан мұрныма өлімнің иісі келеді.

Жасыл шөптер мен гүлдің иісі аңқыған дала,

Көкірегімде ескі сурет сияты қалқып жүр.

Неге екен？

Қабырғадағы сурет мені өзіне тарта береді.

Қалада қайшалысқан мотордың үні

ойымды бөліп жіберді.

Есіктен шықтым да қара нөпір адамдардың ішіне

Сүңгіп кеттім.

Ақырзаман туралы сурет,

Ту сыртымнан баспалап келе жатқандай,

Артыма жалтақтай бердім.