Өлеңдер ✍️

Сен мендіксің, ардағым, асыл жарым,

Жылдардың қанатында қасыңдамын.

Жаратқан маған берген сыйым едің,

Әр күні қуаныштан тасудамын.

Қ-сы:

Жүректі тербегендей әнін-ғалам,

Жастықтың құшағында жалындаған.

Жанымның бір бөлшегі бөлінбейтін,

Сыйладың махаббаттың балын маған.

Тәңірім таңдап берген аққуымсың,

Көркемдікпен жаралған бақ гүлімсің.

Бәрі сенің-пейілің, кеңдігіңнен,

Жанымның жалауысың, шаттығымсың.

Қ-сы:

Көңілім шалқығандай шақта мына,

Өзіңдей асылымды тапқаныма.

Әр күнімді бақытым деп бағаладым,

Шүкіршілік айтамын ақтарыла.

Қ-сы:

Сөзі Әліпов Айтбек Рымбекұлы, 4.10.2025ж. Астана қ.