Олимпиада жүлдегері - Дәулет. Қазақ тілі, 6 сынып, сабақ жоспары. 2 сабақ.

Спорт. Белгілі спорт жұлдыздары.

Мектеп: Ақтөбе қаласы, ФМБ Назарбаев Зияткерлік мектебі

Күні:

Мұғалімнің аты-жөні: Оракова М.С.

Сынып:

Қатысқандар:

Қатыспағандар:

Сабақтың тақырыбы

Олимпиада жүлдегері - Дәулет

Осы сабақ арқылы жүзеге асатын оқу мақсаттары

6.1.3.1 тыңдалған мәтіннің мазмұнын түсіну, детальді ақпаратты анықтау;

Сабақтың мақсаты

Мәтіннің мазмұнын түсіну арқылы детальді ақпараттарды анықтауға үйрету;

 Бағалау критерийлері

 Тілдік дағдылар

Палуан, күрес, саясаткер, аңшы

 Құндылықтарды дарыту

Сабақ оқушылардың бойына топтық, жұптық жұмыс жасау барысында бірін-бірі тыңдай білу, өзгенің пікіріне құрметпен қарау құндылықтарын дарыту, бірін-бірі бағалауы кезінде академиялық әділдік саясатын ұстануға үйретуге бағытталған.

 Пәнаралық байланыс

Спорт, Қазақстан тарихы, география

Бастапқы білім

Оқушылар алдыңғы сабақта алған білімдеріне сүйенеді, спортшы туралы білімдерін толықтырады.

Сабақ барысы

Сабаққа жоспарланған іс-әрекеттер

 Оқушылардың қызығушылықтарын ояту мақсатында бүгінгі сабақ мазмұнына қатысты тірек сөздерді ұсынады:

• • Берілген сөздермен танысыңыздар
  • Сөздердің мағынасын топта талқылап, тыңдалым мәтіні мен сабақ мазмұнына болжам жасап көріңіздер.

Тыңдайық

Тыңдалым мәтінімен жұмыс. Оқушылар мәтінді мұқият тыңдайды.

Тыңдалымнан кейінгі тапсырмалар

1-тапсырма

Оқушылар мәтіннің не туралы болғанын айтып, жұпта талқылайды.

Мұғалім оқушылардың мәтін туралы ойларын бір-біріне жүйелі жеткізуі үшін қосымша мынадай сұрақтар ұсынуына болады:

• Мәтінге арқау болған палуан кім?
• Мәтінді тыңдау арқылы оның қандай қырларын байқадың?
• Чемпион болу үшін адамға қандай қасиеттер керек?
• Мәтін мазмұнынан қандай үлгі алуға болады?

2-тапсырма

Оқушылар мәтінді екінші рет тыңдайды, ұсынылған сұрақтарға жауап беру арқылы детальді ақпараттарды анықтайды.

• Болашақ палуан алғаш жемістің дәмін қалай татып жүрді?
• Палуанның балалық шағындағы мінез-құлқы қандай болған?
• Оның чемпион болатынын алғаш кім байқады?
• Болашаққа жол ашу үшін оны ата-анасы қайда оқуға берді? Ол кезде Дәулет неше жаста болатын?
• Дәулет құрама командада қанша жыл болды?
• Оның бапкері кім?

Мұғалім оқушыларға орындаған жұмыстарымен оқып, бөлісулерін сұрайды. Сынып алдында оқушылар орындаған тапсырмаларын оқиды. Оқушылардың жұмыстарын мұғалім тыңдап, кері байланыс береді, дескрипторлар бойынша өз-өздерін бағалатады.

ДЕСКРИПТОРЛАР

• Тірек сөздер арқылы болжам жасайды;
• Мәтінге қатысты жалпы сұрақтарға жауап береді ;
• Сұрақтар арқылы детальді ақпараттарды анықтайды;

Рефлексия

Менің пікірім......

Қосымша ақпарат

Дифференциация – Сіз оқушыларға көбірек қолдау көрсету үшін не істейсіз? Қабілеті жоғары оқушыларға қандай тапсырма беруді жоспарлайсыз?

Денсаулық және қауіпсіздік ережелерін сақтау