Туған күнге бата

Туған күнге бата



Құтты болсын туған күн

Құтты болсын туған күн,

Кіндігіңді кесіп ап,
Жібек жіппен буған күн.
Шілдехана суымен;
Алғаш рет жуған күн.
Орап алып жөргекке.
Белден жайлап буған күн.
Ақ сүтін асыл ананың,
Емірене емген күн,
Әкең келіп төбеңнен,
Тебіріне төнген күн.
Қуанғаннан ел-жұртың,
Көрімдігін берген күн.
«Кімге тарты екен» деп,
Бетіңді ашып көрген күн.
Туған күнің жыл сайын,
Жүз жыл бойы тойлансын.
Өсіп үрім-бұтағың,
Арманыңа жете бер.
Өмір шексіз көк теңіз,
Тоқтамастан кеше бер.
Әумин.


 Әмин десең пенделер,
Алладан ісің жөнделер,
Ата-анаңды сыйласаң,
Тасың өрге дөңгелер.

Туған күнді шығармаңдар есіңнен,
Бір Алладан жарық көр деп шешілген.
Анаң сені әкелем деп өмірге,
Қиналып еді кете жаздап есінен.

Туған күнің жарық көрген шуағың,
Іңгәлаған естілді алғаш жыр әнің.
Өміріңнің ұзақтығын тілеймін.
Аспаныңның шуақтығын тілеймін,
Қуанышыңның тұрақтылығын тілеймін.

Дендеріңнің қуаттылығын тілеймін,
Өміріңнің сәнділігін тілеймін.
Ата-анаңның, туыстарыңның, амандығын тілеймін,
Өміріңнің ұзақтығын тілеймін.



Бірлік берсін басыңа,
Береке берсін асыңа.
Жақсылыққа жақ болып.
Жас қосылсын жасыңа!
Оңға басса талабың.
Кеуіп босқа тасыма.
Тайып кетсе табаның.
Жүнжіп бекер жасыма.
Арам ойлы арсызбен
Бола көрме ашына.
Алды-артыңды ойламай,
Іс қылмағай асыға.
Жолдас боп ер парықтап.
Жақсы адамның қасына:
Сонда жаның жай тауып,
Бас қосылсын басыңа,
Ас қосылсын асыңа,
Жас қосылсын жасыңа!
Әумин.



Туған күнге мұсылманша бата

Би-исми-л-лаһи-р-раһмани-р-рахим,
Мұсылман болдың, қарағым,
Кәне бері қарағың.
Шырағын жағар ұлысың
Ата менен ананың.
Таудай болсын талабың,
Алтын менен күмістен,
Жасалсын барлық жарағың,
Көрімдігің мінеки,
Бар ма тағы қаларың?
Қой сұрасаң, қой берем,
Тай сұрасың, тай берем,
Зат сұрасаң, зат берем.

Ат сұрасаң, ат берем.
Батырлығың байқалса.
Сауыт берем ақберен.
Мұратыңа жете бер,
Күннен-күнге өсе бер.
Ұзақ болып өмірің,
Өміріңнің түйінін,
Өз қолыңмен шеше бер.
Әумин.



Құтты  болсын бесігің,
Артық болып несібең.
Дастарқаның жайылып,
Ашық болсын есігің.
Өре берсін балалар,
Дұшпандарың болмасын,
Күншілдікпен табалар.
Алпамыстай тағы да,
Ұл артынан ұл тапқын.
Жарқыраған Шолпандай,
Қыз артынан қыз тапқын,
Қуатты болсын бүгінгі,
Шілдехана тойларың.
Тілектерің қабыл боп.
Орындалсын ойларың.
Әумин.  


Мақала ұнаса, бөлісіңіз:


Қарап көріңіз 👇



Жаңалықтар:
» Сүйінші! Хан Кененің бас сүйегі табылды 24.08.2021, 0
» «Ата-анасы вакцина алмаған оқушылар мектепке кірмейді»: Ақпаратқа түсінік берілді 18.08.2021, 0
» Құрбан айт 2021: қашан, құрбандық шалу шарттары, дұғасы, құрбан малының жасы, жарамды мал 18.07.2021, 0

Келесі мақала, жүктелуде...
Біз cookie файлдарын пайдаланамыз!
Біздің сайтты пайдалануды жалғастыра отырып, сіз сайттың дұрыс жұмыс істеуін қамтамасыз ететін cookie файлдарын өңдеуге келісім бересіз.
Жақсы