Рамазан айында қандай адамдардың тілегі қабыл болмайды?

Рамазан айында қандай адамдардың тілегі қабыл болмайды?

Рамазан айында төрт санаттағы адамның күнәсі кешірілмейді. Бұл туралы бүгін мұсылмандар үшін қасиетті Рамазан айының басталуына арналған Астана – Бішкек – Баку – Минск мультимедиялық бейнкекөпірі кезінде «Нұр Астана» мешітінің имамы Дәурен Мүслімов айтты, деп хабарлайды NUR.KZ, baq.kz сілтеме жасап.

Биыл қасиетті Рамазан айы 27 мамырда басталады. Адамды сабырлық пен ізгілікке, кешірімділікке үйрететін айдың берері мол. Бұл ай 30 күн бойы аш жүру деген сөз емес, бұл Аллаға құлшылық қылып, күнә мен жамандықтан арылу, дұрыс жолға бет бұру.

Осы орайда "Нұр Астана" мешітінің имамы Дәурен Мүслімов ораза кезінде қандай адамдардың күнәсі кешірілмейтінін айтты.

"Алла қаншалықты ұлық, Рамазан айы қаншалықты қасиетті болса да, мына төрт түрлі адамның тілегі, ниеті қабыл болмайды. Біріншісі ішімдік ішетіндер, екіншісі ата-анасымен байланысын үзгендер, үшіншісі – туысқандарымен байланысты үзгендер, төртінші – біреуге кек сақтап, өш алғысы келетіндер. Бұл адамдардың тілеген тілегі орындалмайды, күнәлары кешірілмейді. Сондықтан да ағайындарыңмен араздасып, араласпай кеткендер болса, кешірім сұраңдар, кешірімді болыңдар. Рамазан айын жақсы іспен бастаңдар", - деді имам.

Айта кетсек, биыл Ораза айт мейрамы 26 маусымда басталады. 21 маусымнан 22 маусымға қараған түні Қадір түні.

Осы жылы республика бойынша белгіленген пітір садақа мөлшері 300 теңге.

Әлеуметтік желілерде бөлісіңіз:
Facebook | VK | WhatsApp | Telegram | Twitter

Қарап көріңіз 👇



Пайдалы сілтемелер:
» Ораза кестесі 2024 жыл. Астана, Алматы, Шымкент т.б. ауыз бекіту және ауызашар уақыты
» Туған күнге 99 тілектер жинағы: өз сөзімен, қысқаша, қарапайым туған күнге тілек
» Абай Құнанбаев барлық өлеңдер жинағын жүктеу, оқу

Соңғы жаңалықтар:
» 2024 жылы студенттердің стипендиясы қанша теңгеге өседі
» қазақ тілі тестілеуде_келген_сұрақтар_зерттеуші
» Наурыз мейрамы Қазақстанда жаңа форматта тойланады