Ақылды - Мақал-мәтелдер, Өлеңдер, Нақыл сөздер, Туындылар..

Ақылды отқа қарайды,
Ақымақ қазанға қарайды.

Ақылсыз адам "менмен" келер,
Ақылды адам - кеңінен келер.

Ажал ақмақ үшін алтау.
Ақылды үшін біреу.

Екі мақұл дауласса, сөздері асқар ала таудай болар.
Бір тентек бір ақылды таласса, атысқан жаудай болар.

Ақылдыға ишарат,
Ақымаққа таяқ.

Ақылды мақтанса, істі тындырар,
Ақылсыз мақтанса, аяғын сындырар.

Ақылды арын қорғайды,
Сараң малын қорғайды.

Ақылды сақалын сипар,
Ақылсыз шапанын сипар.

Ақымақ ішкен-жегенін айтады,
Ақылды көрген-білгенін айтады.

Ақымақпен астаспа
Ақылдымен қастаспа.

Тақырға біткен төбе
Таудай көрінеді.
Екі тентек қосылса
Саудай көрінеді.
Бір тентек бір ақылды қосылса,
Жаудай көрінеді.

Ақылды жігіт атқа да мінер,
Таққа да мінер.

Ақылды кісіні аяла,
Ақымақ кісіні аяма.

Есі мақұл дауласса,
Сөздері асқар ала таудай болар.
Бір тентек, бір ақылды дауласса
Атысқан жаудай болар.
Екі тентек дауласса,
Сап-саудай болар.

Ақылды "көндім" десе,
Ақымақ "жеңдім" дейді.

Ақылды туралы ✍️