Өлеңдер ✍️

Баппен айттың барлығын, шамданбадың,
Содан соң-ақ жоғалды қалған бағым.
Телім-телім жүректі осып өттің,
Әнім болып кеудемде жалғанбадың.
Қалдым сонда, шынымен ұғына алмай,
Қарап тұрдың көзіңнің сұғын алмай.
Соқты жүрек аузымнан шығардай боп,
Ауырмасам жарар ед бүгін алла-ай.
Бағым едің басымнан тайғызбаған,
Жатқа айналдың кеудемді айғыздаған.
Жасқанбастан бетіме тіке қарап,
Бұндай қылық көрсетті қай қыз маған?..