Өлеңдер ✍️
Өлеңдер ✍️
15.05.2021
267
Дәлелдемек боламын....
Дәлелдемек боламын кімге нені,
Күн артынан ілесіп күн келеді.
Мен әйтеуір елегзіп күтудемін,
Шын бақытқа ұқсайтын бірдеңені.
Бірдеңені иә, рас, бірдеңені,
Көргім келген... жоқ оның бір дерегі.
Ол жайлы айту ыңғайсыз болар білем,
Құрғыр жүрек өйткені сыр береді.
Өмір жүйткіп барады қалай ғана,
Қарауға да құлқым жоқ шарайнаға.
Онсыз-дағы жүргенде басым қатып,
Қинағанды қойыңыз, жарай ма, аға!
Әлеуметтік желілерде бөлісіңіз:
Facebook | VK | WhatsApp | Telegram | Twitter