Нақыл сөздер ✍️

Сыртың жылтыр көрінгенмен айнадан,
Дұрыс болар ішкі әлемді ойлаған...

***

Бет бейнесі сұлу деп,
Сыртына сен қызықпа,
Сұлулықтан не пайда? 
Іші толса қулыққа... 

***

Сырты күліп тұрғанмен
Ішінде мұң көп болар.
Жүзі жайнап тұрғанмен,
Іші жанған от болар...

***

Айнаға қарап бой түзе,
Келбетің кірсін жандана.
Кітапқа қарап ой түзе,
Қалсыншы ел-жұрт таңдана...

***

Талда өскен кітаптар,
Рухани бай бұтақтар...

***

Сөреге жинап кітапты,
Білімді аламын тұрақты.

***

Қараңыз кітап алқасы,
Рухани байлық жалғасы.

***

Кітаптардың әлемі,
Кітап толы әдемі.
Сыйлар байлық рухани,
Кітап рухты,  жан емі. 

***

Сүйіп оқы кітапты,
Сөреден ап біреуін.
Досыңнан ал тағы да,
Арта берсін білерің...