Өлеңдер ✍️

(әнге арналған)
Арайлы таңым
Жайқалған бағым
Өзіңсің өмір көктемім.
Қиналып жаным,
Сынғандай сағым.
Сеземін өмір өктемін…!
Қайырмасы:
Өмір-ай, өмір,
Қуанышты сәт берші.
Өмір-ай, өмір,
Бар жақсыны ап келші.
Өмірдің таңы,
Таңғажайып ат берші.
Өмірім тағы,
Таусылмайтын бақ берші.
Ән салған өмір,
Шаттанған көңіл,
Қуанған мәз боп балаша.
Ақталмай сенім,
Таба алмай теңін,
Мұңайған сәттер оңаша…!
Тамсанған уақыт,
Қарсы алған бақыт.
Апарар жайлы мекенге.
Мұң басқан көңіл,
Үн қосқан өмір,
Өтесің кейде бекерге..!