Сұрақ: Ораза кезінде басқа қалаға іс-сапарға шыққан адам сол күндері оразасын тоқтата тұрса бола ма?

Жауап: Тіпті сапарда ешқандай қиындық көрмесе де, Алла Тағала сапардағы адамға оразасын тоқтатуға рұқсат берген. Алайда, кейін сапарда қаза болған оразасын өтейді. «Ал кім (осы айда) науқас болып немесе сапар шегіп ораза ұстамаса, (қаза болған күндерін) басқа уақытта ұстасын. Шынында, Алла сендерге жеңілдік қалайды, ауыртпалық артқысы келмейді» («Бақара» сүресі, 185-аят).