Себеп-салдар салалас. Бостандық. Қазақ тілі, 9 сынып, таратпа материал. 2 сабақ.

 Қосымша 1

1-ТАПСЫРМА (топтық)

Топ болып бейнебаяндағы мәселелерді анықтаңыз, салдарлары мен себептеріне алгоритм негізінде пікір білдіріңіз, жауабыңызда салалас құрмалас сөйлемді қолданыңыз:

1-топ:

• қандай мәселелерді көруге болады
• не себепті осындай жағдайға душар болды
• егер кейіпкерлердің құқықтық сауаты жоғары болса, қасіретті алдын алуға болар ма еді?
• Салалас құрмалас сөйлемді қолдануы

2-топ:

• қандай мәселелерді көруге болады?
• Кейіпкерлер және одан тыс жандар қандай салдарларға душар болды деп ойлайсыздар?
• Бұндай салдарларды алдын алуға болар ма еді?
• Салалас құрмалас сөйлемді қолдануы

3-топ:

• Кейіпкерлердің еркіндік туралы ұғымын қалай болжар едіңдер? Олардың ойынша еркіндік деген не?
• Сіздердің ойларыңша еркіндік деген не?
• Заңмен жүру, ережемен жүру еркіндігіміз бен бостандығымызды шектемей ме? (саралау сұрағы, күрделендіру)
• Салалас құрмалас сөйлемді қолдануы

4-бағалаушы топ:

• Әр топтың жауабы қаншалықты жүйелі, нақты айтылды
• Жағдаятты бағалауына берген пікірлері
• Қандай аргументтер келтіре алды
• Салалас құрмалас сөйлемді қолданған сөйлемдерін жазу, бағалау

 Қосымша 2

2-ТАПСЫРМА (жұптық)

Төменде берілген цитаталардың мағынасына қарай өз қалауларыңмен бірін таңдап, несімен ерекшеленетінін, астарлы ойын жұбыңызбен талқылап, түсіндіріңіз (талдау барысында, түсіндіруде салалас-құрмалас сөйлемді қолдануды ескеріңіз)

Бағалау:

Мұғалім критерийлер арқылы жұптың жауабына кері байланыс береді:

• Мәтіндегі негізгі ойды түсінеді
• Мәтіндегі автор көзқарасына пікір білдіреді
• Мәтіндегі мәселенің салдар мен себептеріне баға береді

• Өзіңді рахаттандыратын іспен айналысу, бостандық болып табылады.
• Қазақ деген ел - бостандық-азаттық сүйетін, даланы, таза ауаны, таза суды, таза көгалды сүйетін халық. (Ғабит Мүсірепов)
• Біздің жұрт бостандық, теңдік, құрдастық, саясат ісін ұғынбаса, тарих жолында тезек теріп қалады. (Әлихан Бөкейханов)
• Экономикалық бостандық болмай өзге бостандық та болмайды. (Маргарет Тэтчер)
• Құлыңды көп жәбірлей берме: қожасына - бұғау салынып, құлы бостандық алатын да күн туады. (Саиф Сараи)
• Бостандыққа апаратын жалғыз жол – ұлттық ынтымақ қана. (Әлихан Бөкейханов)
• Демократия - жүгенсіздік емес,Бостандық - жүйесіздік емес. (Шерхан Мұртаза)
• Қазақ деген ел — бостандық-азаттық сүйетін, даланы, таза ауаны, таза суды, таза көгалды сүйетін халық. (Ғабит Мүсірепов)
• Алыспаған, жұлыспаған бостандық атына мінбейді, бұғаудан босамайды, ер құлдықтан, әйел күңдіктен шықпайды, малына да, басына да ие болмайды! (Әлихан Бөкейханов)