Ғафу Қайырбеков (Жігіт)

 Ғафу Қайырбеков (Жігіт)

Кездесуге алғаш бетпе-бет
Жүгірді Дон Еділге,
Орнады теңіз көкпеңбек
Құшақтасқан жерінде.

Атқарып заман ұлы ісін,
Өзгертіп әлем картасын,
Алуға біраз тынысын
Ерлер жатты тарқасып.

Толқынға сүйеп кемерін,
Теплоход тұрды жүздеген.
Айтысып әркім мекенін,
Қоштасты жарқын жүзбенен:

— Сен қайда?..
— Қырым, Ялтаға,
— Шығысқа, сонау Байкалға,
— Фабрика, зауыт, шахтаға,

— Алысқа, алтынды Алтайға.
— Магнит тауға, Оралға,
— Колхозға, совхоз, МТС-қа.
— Тағы да зор каналға,

Каналға - алып құрылысқа!
Бөгеліп тұрған сол бір сәт
Жас жігіт, бастық қасында:
— Қош, достар, - деді қол бұлғап

— Қалатын болдым осында!..
Жылжыды кеме лезде
Алыстай сырғып жағадан.
Дауыстар шықты бір кезде:
— Шабадан қалды, шабадан!..

Жағада тұрған сол жігіт,
Сілтеді қолын жалғыз-ақ.
Кемеде ду-ду жұрт күліп,
Жігітке қарап тұрды ұзақ.

Жымиды жарқын көңілмен:
— Інім, - деп бастық. –
Сүйікті... Еңбекте үздік көрінген
Алып қап тұрып жігітті.
— Ол қалай, батыр, оның не
Кетті ғой бәлкім, керегің.
— Барсын, - деді ол, - еліме
Менің де бір сәлемім!
Онда кеткен бұйымды
Білем: дәптер, күнделік
Оқысын өткен жолымды,
Қуанып, туған ел көріп!

Әлеуметтік желілерде бөлісіңіз:
Facebook | VK | WhatsApp | Telegram | Twitter

Қарап көріңіз 👇



Пайдалы сілтемелер:
» Ораза кестесі 2024 жыл. Астана, Алматы, Шымкент т.б. ауыз бекіту және ауызашар уақыты
» Туған күнге 99 тілектер жинағы: өз сөзімен, қысқаша, қарапайым туған күнге тілек
» Абай Құнанбаев барлық өлеңдер жинағын жүктеу, оқу

Соңғы жаңалықтар:
» Биыл 1 сыныпқа өтініш қабылдау 1 сәуірде басталып, 2024 жылғы 31 тамызға дейін жалғасады.
» Жұмыссыз жастарға 1 миллион теңгеге дейінгі ҚАЙТЫМСЫЗ гранттар. Өтінім қабылдау басталды!
» 2024 жылы студенттердің стипендиясы қанша теңгеге өседі