👈 қаріп өлшемі 👉

Ғафу Қайырбеков (Диплом)

 Ғафу Қайырбеков (Диплом)

Жігіт еді бейтаныс,
Жолықты да ол бірде:
— Ертең ғой күн демалыс,
Келші сағат он бірде! –

Деді, мен де тұрып ем,
Айта қоймай «мақұлды».
— Жазып жүр ем Диплом
Жыл ғой биыл ақырғы.

Дегесін ол, шақырған
Мезгілінде бардым бір.
Үстел үсті толтырған
Карта екен, «ал, үңіл!» —

Деді жігіт жымиып
— Сәл бітуге ертерек...
Сан шомылған тұңғиық, —
Тұрды алдымда Өлкейек.

Сонан әрі тағы да,
Көп жоспарын көрсетті.
Қанша күші барын да
Сол өзеннің өлшепті.

— Мен ол жерге үш бардым,
Басшылармен кездестім.
Талқылап бұл жоспарды
Теріс демеді елде ешкім.

— Онда сол жер бола ма
Орталығы колхоздың?!
— Болғаны сол, жағамыз
Электрдің жұлдызын.

— Таудан суын көп қардың
Қосу керек, ащы екен...
Деді ол, мен де деп қалдым:
«Дипломың жақсы екен».

Кейінірек оқу үшін сақтап қойыңыз:


Қарап көріңіз 👇



Жаңалықтар:
» Алаяқтар IPO бойынша жалған мобильді қосымшаларды іске қосты 29.11.2022
» Айлакер-алаяқтар интернетте делдалдарды қалай және қандай мақсатпен іздейді 26.11.2022
» Түркия: Ыстанбұлда тағы жарылыс 17.11.2022

Келесі мақала, жүктелуде...
Біз cookie файлдарын пайдаланамыз!
Біздің сайтты пайдалануды жалғастыра отырып, сіз сайттың дұрыс жұмыс істеуін қамтамасыз ететін cookie файлдарын өңдеуге келісім бересіз. Cookie файл деген не?
Жақсы