Бөлім: «Нақыл сөздер»

Бір-біріңе шындықты бетке айтудың қажеті шамалы: ол қарым қатынасқа кінəрат түсіреді.

Ештеңені жарым-жартылай иемденгім келмейді, одан да ештеңесі жоқтар қатарында жүргенім жақсы: онда ең құрығанда өз жаныма өзім толық қожамын ғой.

 Өлгеннен соң халім мүшкіл болмасын десең, бүгін ойлан!

Жүз жыл білім үйреніп, мың кітапты оқып шықсаң да, ондағы айтылғандарды іске асырмасаң, Алланың мейірім- шапағатынан үміт етуге хақың жоқ.

Тағы бір айтатын мәселе, Алланың жақсылық, мархабаты мол, мейірім-шапағаты өлшеусіз деп халықты адастырып қоймағын!

Ділдің шарапаты – салыстыра қарасаң, барлық нәрселерден ғажайыптығымен ерекшеленеді. Көптеген адамдар оның қыр-сыры ақиқатынан хабарсыз.

Ақиқатында адам денесіне тән төрт сипат бар. Олар – иттік, доңыздық және диюлік пен періштелік. 

Сенің қалыбың екі нәрседен құралады. Бірі – көзіңе көрініп тұрған дене құрылысың: мұны тән деп атайды, мұны көзбен анық көруге болады; екіншісі –..

Жалған сөйлеу және жалған ант беру – екіжүзділіктің нәтижесі деуге болады.

Барлық жамандық – нашар мінез-құлықты адамдармен сұхбаттас болудан пайда болады.

Жақсы перзент – ата-ана қолындағы аманат.

Қараған сайын жүзі бал-бұл жана түсетін бойжеткен алдында жан рахатын кешуден асқан өміршеңдік жоқ.

Жақсы істер туралы ойлап əуре болма, одан да жақсылық жасай бер.

Сəтсіздік – үлкен төре тəрізді соңынан шұбатып төлеңгіт ертіп жүреді. Сəтсіздіктің сіңлісі – ең ізгі жүректің өзін ашу мен қатігездікке жеңдіретін..

Махаббат туралы жазудың ең жайлы жолы – оны ойдан шығару.

Кіріптарлықтың астарында көп еркіндік жатуы мүмкін, тəуелсіздік дегеніміз – шын мəніндегі құлдық болып шығуы да мүмкін.

Сенімнің аздығы ұдайы жігерлі болып керінуге мəжбүр етеді.

Біздің дəуіріміз – пайдаға табынушылығымен қатігез.

Жазып біткенде – жаным да шығады: осыған қуанамын.

Ер бала ер адамнан гөрі батылдау келеді, өйткені ол əлі – балаң, ал есею көп ретте кісіні қарабайыр жəне пайдакүнем ете түседі.

Əдептілердің арасында айлакерлер де аз кездеспейді.

Кімді жақсы білсең – сонымен сиысуың қиынға түседі.

Өзіне-өзі құмар жанды алдау да жеңіл.

Тəттіқұмар үшін тəттінің өзі ащыға айналады.

Бет қайтара білмеген кісінің терең лəззат алуы да мүмкін емес.