Бөлім: «Нақыл сөздер»

Отан үшін отқа түс - күймейсің.

Адал болмай азаматпын демегін.

Адамды бұзатын не? Тағы сол атақ, ақша, арақ. Осы үшеуі. Төртіншісі әйел демеймін. Алғашқы үшеуінің буына бөртіп, әйелдерді біз - еркектер бұзамыз...

Терлеп еңбек етпегеннің тілегіне жеткенін көргенім жоқ.

Ақылдың артықтығы, кеңестің көптігі жоқ.

Өзінің ұлтын сыйламаған, ұлтын мақтаныш тұта да алмайды, ол сөз жоқ арамза, тексіз әрі қаңғыбас.

Ұрлық, опасыздық – бұл ұлттық дәстүрлер емес, ұлттың ішінде көркеуделік.

Ұлттық мақтаныш – сол ұлттың адамы үшін қасиетті әрі бұзылмас заң.

Тәуекелсіз – жеңіс жоқ.

Жаудан қашып емес, қорғанып және шабуылға шығып құтыла аласың.

Бақаның бағынан, сұңқардың соры артық.

Ойлы бастық ұқыпты қызметкерді адам етеді.
Ойсыз бастық оқып келген маманды надан етеді.

Әр адамның мінезі – астындағы тұлпары. Соның ағынымен адамдар өмірден зымырап өтіп жатады.

Қаталдықтың екі түрі болады: ақылды қаталдық, есерсоқтық қаталдық.

Еркекті бұзатын екі құмарлық – арақ пен әйел.

Сенімділік табысқа жетуге деген құлшынысты арттырады, бойға қуат береді, әбден айқындалған әмір беруге немесе жеке іс-қимылға шақырады – яғни, дереу..

Ел қорғау жолында ерлікпен өлген ерлердің жазығы жоқ.

Қайрат – қамал бұзады.

Жігерсіз сөз жүрекке жетпейді.

Жақсы бастық – жарты бақыт.

Алған әсерлерді жалған, жасанды түрде көрсету – соғыста ең сорақы бақытсыздық, қауіпті өтірік.

Айдындана шапқаннан ажал да сескенеді.

Үлкен бастықтың қатаң сөккенінен гөрі де адамды өзінің ары сөгуі күшті.

Ызаңды айтпа, ызадан соңғы ындының мен ықыласыңды жеткіз.

Өмірдің қуанышы көп алуыңда емес, басқаларға көп беруіңде, білім мен тәжірибеңді халыққа таратуыңда.