Өлеңдер ✍️
Өлеңдер ✍️
11.07.2022
90
АЛЫПТЫҢ ТЫНЫСЫ
Алдымда зəулім болат үй
Алады тыныс бусанып.
Жақындап келсем – сол ылғи,
Жанымды лебі тұр шалып.
Қояр ма, сірə, тербетпей,
Жеріңде сондай туса алып!
Жаңа бір көрген перзенттей,
Телміртер сені құштар ғып.
Қазақтың домна пеші бұл
Жапанға жаңа орнатқан.
Халқымның жүрген десі бұл
Тасы да балқып өрге аққан.
Жүрегіне ұқсап даланың
Шалынар соның тынысы.
Сүйсіне сезер оны əркім,
Жарылқап жанын жылысы!
Әлеуметтік желілерде бөлісіңіз:
Facebook | VK | WhatsApp | Telegram | Twitter