Өлеңдер ✍️

  13.06.2022
  247


Автор: Ұлықбек Есдәулет

Мен үшін ішіп жатыр ел!

Мен үшін ішіп жатыр ел!
Көп сөзге елти қоймадым.
Ұмытып тойды атымен,
Көктемгі орманды ойладым.
Көгілжім көктем келгенде,
Көк терек — орман алыбы,
Жуандап діңін кергенде,
Қаудырап түсер қабығы.
Сол қабыққа ұқсап,
Еліме
Тарлығым менің сезілсе,
Лақтырып тастап мені де,
Өссін ол, өссін өзінше.
Топырағына енем де,
Тамырына нәр боп көшемін.
Өсуіне оның төбемде
Өлсем де көмектесемін.




Әлеуметтік желілерде бөлісіңіз:
Facebook | VK | WhatsApp | Telegram | Twitter

Пікір жазу