Өлеңдер ✍️
Өлеңдер ✍️
17.05.2022
151
Жаратылыс заңы
Күз түссе де салқындап,
Күн нұрымен жалтылдап.
Бұтағында жапырақ
Тұрып алды қалтылдап.
Қабақтары түюлі,
Бұлттар жиі шүйілді.
Желтоқсанның желдері
Шыр көбелек иірді.
Сондай мықты болар ма,
Бұдан да кеп, одан да
Сорып жатты аяздар,
Соққылады боран да.
Әнге басып көктем де,
Жыл құстары жеткенде,
Жартастағы ағаштан
Түсті үзіліп бөктерге.
Ол кеткен соң көрінбей,
Орынынан өрімдей
Өніп шықты жас бүршік
Мықтылығы темірдей.
Әлеуметтік желілерде бөлісіңіз:
Facebook | VK | WhatsApp | Telegram | Twitter