Өлеңдер ✍️
Өлеңдер ✍️
27.02.2022
105
![](/uploads/shorttexts/author_image/image[2].jpg)
Көңіл деген көл ме еді?
Көңіл деген көл ме еді?
Көңіл деген шөл ме еді?
Көңіл деген әлде бір –
Бал шараптың шөлмегі?
Көңіл шалқар мендегі,
Пейіл деген кең тегі.
Құшқым келіп тұрады,
Аймалап бар пендені.
Қалса көңіл мендегі,
Пейілдің тар шеңбері.
Тыжырынып, тырысып,
Жақтырмаймын өңгені.
Той-думанда көр мені –
Шағаламын көлдегі.
Шалқытады шабытты
Арулардың өңдері.
Әлеуметтік желілерде бөлісіңіз:
Facebook | VK | WhatsApp | Telegram | Twitter