Баталар ✍️

Он үш жас келді, мүшел жас,
Бақыт берсін, бақ берсін.
Бар жақсыны мүшел жас,
Бір өзіңе ап келсін.
Жамандықты аулақ қып,
Жақсылығын нақ берсін.
Қуанышын көп қылып,
Қиындығын жоқ етсін.
Шаттығыңды көбейтіп,
Көңіліңді тоқ етсін.
Жаратқан ием жар болып,
Саулығыңды зор етсін.
Бар жақсыны нәсіп қып,
Ризығыңды мол етсін.
Жорытқанда жол беріп,
Ақ жолыңды оң етсін.
Алла өзі жар болып,
Игі ісіңді көбейтсін!