Өлеңдер ✍️

Қара шаңырақ балалық шақ келмес уақыт

Махаббатпен шаттықпен өскен қандай бақыт

Арқа сүйер үлкеніміз өзің болсаң

Мен кішкентай Ақкенжен болдым қалып

****************************

Қанатымыз қатайып ұштық самғап

Бір әулеттің ошағын жағып,жалғап

Ақыл айтып көш бастап келе жатып

Мәңгілікке ұйықтадың бізді тастап

**************************

Тар құрсақтан тараған бауырларым

Аман жүрер деп ойладым мен әрдайым

Жарық күнде аспаннан найзағай боп

Дүр сілкінді жан дүнием көзден ғайып

***************************

Анамның жылап тұрып естірткені

Жүректі бір мезетке ізгіледі

Табанымның астындағы қара жерде

Шайқалып тұрақтамай кете берді

**********************

Өзім беріп өзім алам деген екен

Сынақ өмір аяқталып тұрған екен

Санамменен Алла ісіне мойынсұндым

Жүрегіммен қоштасуға қимай тұрдым

*************************

Тең басқан аяқтарым ақсандады

Жадыраған жанарымды мұң басады

Қатарларың қарсы алдыма келген кезде

Сағыныштан жүрегімді өрт басады

************************

Ағаш бесік жер бесікке ауысты

Жаның мәңгі тәтті ұйқымен жалғасты

Бар амалым құран бағыштап өзіңе

Жұмақ төрін беруді Алла жазсыншы