Өлеңдер ✍️

Алғаш қоңырау үнімен кірдік,

Әліппе ашып, білім меңгердік.

"Үздік" те болдық, "үштік" те болдық,

Тәлім-тәрбие жүгін өңгердік.

Сыныптастарым, құрдастарым-ай,

Мен үшін бәрің дарасыңдар ғой.

Ұмытылмастай сырластарым-ай,

Сағыныш болып қаласыңдар ғой.

Қыздардың шашын илеп ойнадық,

Кештер өткізіп, биге тоймадық.

Бақыт шағында он күндей заулап,

Он жыл өтерін біле қоймадық.

Ауыл жазында - салауат таңы,

Қала сазында - саламат бағы.

Жанға батады сыныптастардың

Қатары сиреп бара жатқаны.