Өлеңдер ✍️

25.06.2023

331

Автор: Серікбай Оспанов

Жауап беру үшін Ел, Ар алдында...

Жауап беру үшін Ел, Ар алдында,

Алды-артыңа, ағайын, қарадың ба?!

Масайратып,

Көп жұтсаң мас қылатын

Бірдей екен мадағың, арағың да.

Ортақ Отан!

Мынаның, ананың да

Домалайды жұмыр жер табанында.

Аранында– бар пәле пенделердің

Қалу-қалмау қасірет қамалында.

Тарылатын күні бар даланың да,

Ескіретін күні бар жаңаның да.

Қонбайды деп ойлама

Басыңа кеп

Көзге ілінбей жүрген шаң балағыңда!..

Әлеуметтік желілерде бөлісіңіз:
Facebook | VK | WhatsApp | Telegram | Twitter

Қарап көріңіз 👇

Бүгінгі ауыл ᐈ

Ауыл көшіп барады… ᐈ

Налу ᐈ

Тауқұдірет ᐈ

Желтоқсанда ᐈ