Қоғамдық тәртіпке және адамгершілікке қол сұғатын әкімшілік құқық бұзушылық түрлері. Құқық негіздері, 11 сынып, дидактикалық материал.

Жағдаяттар

1. Жол тәртібі ережесін бұзу

Нұрлан ішімдік ішіп, мас болған күйі көшеге көлігін айдап шықты. Жолда келе жатып, жүргіншілер жолағында өтіп бара жатқан азаматтарға қарамастан адамдардың өміріне қауіп төндіріп, тоқтамай өте шықты. Бұл орын алған жағдайдан ешбір адам жапа шекпегенімен, Нұрлан жол ережесін бұзды. Нұрлан қандай әкімшілік жауапкершілкке тартылуы мүмкін?

2. Қоғамдық тәртіпті бұзу

Азамат Б. Қоғамдық көлікте жол-көлік ақысын төлемеуге бекініп, айқай шығарды. Автобус кондукторы айқайға басқан азамат Б-ны сабырға шақырып, қоғамдық орында тыныштық сақтауын өтінген болатын. Бірак азамат Б. кондуктордың басу айтқанына тыңдамай автобуста отырған басқа азаматтарға моральдік тұрғыда зиян келтірді.

3. Ұсақ бұзақылық

Азамат Н. мемлекеттік мекеме санатындағы ғимараттың терезесін әдейі тас лақтырып сындырды. Азамат Н. қандай әкімшілік жауапкершілікке тартылуы мүмкін?

4.Қоршаған ортаны ластау

Азамат А көшеде келе жатып, жеген балмұздағының сыртқы қағаз этикеткасын арнайы қоқыс жәшігіне салуға ерініп, жолға тастай салды. Бұны байқаған құқық қорғау қызметкері азамат А-ның әкімшілік құқық бұзушылық жасағандығын мәлімдеді. Азамат А қандай әкімшілік жауапкершілікке тартылуы мүмкін?