Туған өлкем - қандай көркем. Дүниетану, 3 сынып, қосымша материал.

Сабақты ұйымдастырудағы әдістемелік нұсқаулар

• Топқа бөлінудің тағы бір әдісі – оқушыларға 4 облыстың саяси картасын бала санына қиып тарату. Оқушылар карта бөліктерін құрау арқылы облыстар бойынша топқа бірігіп, өз облысының картасын тақтаға іледі. Облыс орталығын атайды.

• «Қала мен ауыл» тапсырмасына жазбаша 3 минут уақыт жұмсаңыз. Бағалау өзін-өзі тексеру арқылы жүреді.

• «Сұрақ – жауап» тапсырмасын «Қала мен ауыл» тапсырмасымен байланыстырыңыз. Ол үшін қала мен ауылдардағы туристік нысандар туралы сұрақтар қойыңыз. Ерекшелігін сұраңыз. Талқылау барысында, туристік нысандардың орналасуы, географиялық орны мен табиғи жағдайларға байланысты болатынына назар аударыңыз.

• «Серуен» ойынының соңындағы талқылауда төмендегідей сұрақтар қойыңыз:

-Қандай жауап сені таңқалдырды? Несімен?

-Сен ойламаған жауап.

-Сен үшін ерекше пікір.

-Қандай ойды айтып үлгермедің?

• Постерді құру және қорғау тақырыптың меңгерілу деңгейін байқатады.

Үлгі жауаптар:

«Синквейн»

Астана.

Әдемі, көрікті, жаңа.

Гүлденеді, қарсы алады, дамиды.

Біз Астана қаласымен мақтан етеміз.

Қазақстан.

• Қазақстанның туристік нысандарының рейтингісін жасау барысында әрбір нысанның халыққа қызметінің маңыздылығына, орналасу орнына, саяхатқа шығуға қолжетімді бағасына көңіл аударылады. Рейтинг құрастыруда диаграмма, кесте, графика, баспалдақ түрлерін пайдалануға болады.
• Теориялық ақпарат: Рейтинг— белгілі бір объектің маңыздылығы мен ерекшелігін сипаттайтын реттік нөмір немесе сан.

https://kk.wikipedia

• Қосымша сілтемелер:

Астана ғажаптары

https://www.youtube.com/watch?v=3QBtAArdnUQ

Қазақстан табиғаты

https://www.youtube.com/watch?v=Yd4D9ymEMqk