Табиғи ортада қандай қауіп-қатерлер бар? Дүниетану, 3 сынып, қосымша материал.

Сабаққа арналған әдістемелік нұсқаулықтар

• «Адасқан әріптер» ойыны

"Қатер" ұғымын талқылау кезінде оқушылардың жауаптарының барлық нұсқалары қабылданады. "Табиғи ортадағы қатерлер" ұғымына алып келіңіз. Ұғымды енгізіңіз.

Қатер - адамның өмір сүру ортасындағы қауіпті жағдайдың туындау мүмкіндігі.

• «Еске түсіреміз» тапсырмасы

Жағдайларды шешу жолдарын табу тапсырмасы табиғи катаклизмдер, табиғи катаклизмдер кезіндегі қауіпсіздік ережелері, адамның табиғи және жасанды тіршілік ету ортасы туралы білімдерін қайталауға мүмкіндік береді.

• «6 НЕГЕ» стратегиясы

Сұрақтардың сапасына назар аударыңыз. Сұрақтар тек мәтін бойынша ғана емес, одан тыс та болуы мүмкін. Оқушыларға сұрақтардың қайталануына жол берілмейтіні туралы ескертіңіз.

Сұрақ үлгісі:

Неге көптеген қауіпті жағдайлар адам қызметімен байланысты?

• "Табиғат аясындағы демалыс" қызықты оқиғалар байқауы тапсырмасын оқушылар жеке орындайды. Оқушылармен алдын ала алгоритм мен бағалау критерийлері талқыланады.

• «Үлкен және кіші шеңбер" дидактикалық ойыны

Оқушылар 2 шеңберде — ішкі және сыртқы болып тұрғызылады. Екі шеңбердегі оқушылар саны бірдей болуы керек. Ішкі шеңбер мүшелері сабақ тақырыбы бойынша ғана емес, сонымен қатар "Су-тіршілік көзі" бөлімі бойынша сыртқы шеңбер мүшелеріне сұрақтар қояды. Содан кейін ішкі шеңбердің мүшелері серіктесін өзгерте отырып қозғалады. Ойын ішкі шеңбердің әрбір мүшесі сыртқы шеңбердің әрбір мүшесімен бетпе-бет келгенге дейін жалғасады. Белгі бойынша қозғала отырып, әрбір оқушыда сұрақ қою және жауап беру мүмкіндігі болады.

Үлгі сұрақтар:

• Қосымша:

«Мен – зерттеушімін» тапсырмасы

Әрбір топ газет материалдарында басылған ақпаратты зерделейді және табиғи ортадағы қатерлер мен қауіптерді анықтайды. Оларды шешу жолдарын жоспарлайды. Тапсырма соңында оқушылар бір-біріне кері байланыс береді, онда оң сәттерді көрсетіп, жұмысты жақсарту бойынша ұсыныстар береді.

• Теориялық материал:

Төтенше жағдайлардағы өзін – өзі ұстау ережелерінің алгоритмі

• Кез келген апаттық жағдайларда үрейленбеу және басқалардың үрейленуіне жол бермеу;
• Төтенше жағдайлар туралы ақпаратты тыңдау;
• Газ, су және жарықты сөндіру;
• Құжаттар салынған рюкзак немесе сөмкені әзірлеу;
• Үш күнге жететін тамақ пен су алу;
• Жылжымалы электр фонарды салу;
• Алғашқы медициналық көмек дәрідорбасы мен медикаменттер алу;
• Жылы киім мен аяқ киім алу;
• Радио немесе теледидардан келесі ақпаратты күту.

• Пайдалы сілтемелер
• Мультфильм

Қауіпсіздік әліппесі

https://www.youtube.com/watch?v=5sLJO6RBTE0

• Мультфильм

Балаларға өрт қауіпсіздік ережелерін сақтау

https://www.youtube.com/watch?v=6lF11yEKOWQ

• Қыс мезгілінде қауіпсіздік ережелері

https://www.youtube.com/watch?v=rds7mfvClC0

• Суға шомылу кезінде негізгі қауіпсіздік ережелері

https://www.youtube.com/watch?v=-DucHjSX9Xw