Қозғалыс белсенділігі арқылы денсаулықты нығайту. Дене шынықтыру, 6 сынып, сабақ жоспары. 102 сабақ.

Ұзақ мерзімді жоспар бөлімі:

8 бөлім: Жүгіру секіру лақтыру дағдыларын жақсарту

Күні:

Сынып: 6

Қозғалыс белсенділігі арқылы денсаулықты нығайту.

6.3.1.1. Өз денсаулығына деген қауіп-қатерді анықтай білу

Өз денсаулығына деген қауіп-қатерді анықтай білуге үйрету.

Жеңіл атлетика сабақтары кезінде өз денсаулығына деген қауіп-қатерді анықтай біледі.

Жеңіл атлетикадағы қызметінің және қозғалыс түсінігін талқылап көрсете алады.

Мыналарды қамтиды:

• қауіпсіздік ережесі, жарақат, қауіптің алдын алу
• екпін алу, лақтыру
• кіші доп, граната

Талқылауға арналған сұрақтар:

• Қауіпсіздік ережелерін сақтаудың маңыздылығы қандай?
• Жаттығуларды орындау кезінде қандай қауіпсіздік ережелерін сақтауымыз қажет?
• Өздеріңіздің практикалық білімдеріңізді және дағдыларыңызды күнделікті өмірде қалай қолданасыздар?
• Бұл тапсырмада қандай арнайы спорттық қозғалыс әрекеттері қолданылды?

Жеке жауапкершілік, көшбасшылық қасиеттері, өмір бойы оқу, бір-біріне көмектесу.

Ғылыммен байланыс – денсаулық және тән, қауіпсіздік, салмақ динамикасы. Информатикамен (ғаламтордан ақпарат іздеу және өңдеу), математикамен (айналу осі, кеңістік, бағыт пен бұрыштар), психологиямен (кіші топта жұмыс жасау дағдылары), биологиямен (ағзадағы биохимиялық өзгерістер), физикамен ( жылдамдық, салмақ, энергия) байланысы.

Шағын құрылғылармен сабақты түсіру, ғаламтордан қажетті ақпаратты іздеу үшін ноутбукты қолдану.

Білім алушылар алдыңғы сыныптарда, сабақтан тыс уақытта жеңіл атлетика және денсаулық түсініктері жөнінде дағдылары бар.

 Сабақтағы жоспарланған іс-әрекет

Сабақтың басында өтетін тақырыппен таныстырып, білім алушылармен бірге оқу мақсаты және сабақтың соңында күтілетін нәтиже анықталады. Осыдан кейін білім алушылар сабақтағы бағалау критерийлері және дескрипторлармен танысады.

(С, ҚБ) Білім алушылар жеңіл атлетикамен айналысу кезінде қауіпсіздік ережесі бойынша жалпы талаптармен таныстырылады.

Осыдан кейін жүгіру жаттығуларын орындап, демдерін қалпына келтіріп, дененің барлық бұлшық еттеріне арналған ЖДДЖ орындайды.

(Т, Ж, ҚБ) Алаңның қақ ортасына сызық жүргізіліп, оған 10 қалашық қойылады. Ойыншылар екі топқа бөлінеді, беттерін ортаға қаратып, алаңның жақтау сызығында орналасады. Бір топқа теннис доптары беріледі. Мұғалімнің белгісі бойынша ойыншылар үйренген әдіспен доптарды лақтырады да, қалашықтарға тигізуге тырысады. Тиген жағдайда командаға 1 ұпай беріледі. Әр топ допты 3-5 рет лақтырып болғаннан кейін, нәтижелері саналып, жеңімпаз анықталады.

Осы тапсырманың дескрипторлары:

• Кіші допты лақтыру техникасын дұрыс орындайды;
• Допты лақтыру кезінде қауіпсіздік ережелерін сақтайды.
• Тапсырма кезінде болуы мүмкін қауіпті жағдайлар мен жарақаттар туралы біледі;
• Болуы мүмкін қауіпті жағдайлар мен жарақаттардың алдын алу жолдарын біледі;
• Жеңіл атлетика сабақтарында білім алушылар өз денсаулықтарына деген қауіп-қатерді анықтай біледі.

Сұраңыз: Сыныптастарыңызға әдістің дұрыс орындалуы бойынша қандай ақыл-кеңес бере алдыңыздар? Бұл тапсырмада қандай арнайы спорттық қозғалыс әрекеттері қолданылды?

Лақтыру техникасын қалай жетілдіруге болады?

Жеңіл атлетикамен айналысқан кезде жарақат алмау үшін қандай қауіпсіздік ережелерін сақтауымыз қажет? Өз денсаулығына деген қауіп-қатерді қалай анықтауға болады?

(С, Ж, ҚБ) Осыдан кейін кіші допты лақтыру кезіндегі қауіпсіздік ережелері мен техникасының орындалуы түсіндіріліп, көрсетіледі.

Үйренген әдіс бойынша оқушылар екі топқа бөлініп, алаңның екі шетіне орналасады. Өздерінің саптарындағы оқушылармен арақашықтықтары 3м, ал қарама қарсы тұрғандарынан 15-20м арақашықтықта орналасады да, мұғалімнің белгісі бойынша доп лақтыруды орындайды. Тапсырманы орындар болған соң талдау жүргізіледі.

Осы тапсырманың дескрипторлары:

• Кіші допты лақтырудағы қимыл-қозғалыс комбинацияларын және жаттығулардағы реттілігін құрастырады;
• Кіші допты лақтыру кезіндегі қауіпсіздік ережелерін біледі және сақтайды;
• Допты дұрыс ұстайды: үш саусақпен (бас бармақ, сұқ саусақ, ортан терек.) Аяқ иық деңгейінде, дене салмағы аяқтың ұшына түскен;
• Доп ұстаған қол иықтың алдында, шынтақ буынында бүгулі, ал екінші қол төмен түскен қалыпта;
• Жүгіріп екі адым жасағаннан кейін лақтыратын қолын артқа түзу созып, лақтыру сызығына жақындайды;
• Аяқты қайшылау әдісін дұрыс орындайды. Оң аяғын бүгіп оң жамбасын сол жақ алға бұрады.
• «Керілген садақ» әдісін дұрыс орындайды. Денені бұрып, соңғы күш салуды дұрыс орындайды.
• Допты лақтырғаннан кейін белгі сызығын баспайды.
• Жеңіл атлетика сабақтарында білім алушылар өз денсаулықтарына деген қауіп-қатерді анықтай біледі;
• Спорттық жабдықтарды лақтыру кезінде қауіпсіздік ережелерін сақтайды.

Сұраңыз: Бұл тапсырмада қандай арнайы спорттық қозғалыс әрекеттері қолданылды? Денені қыздыру ағзаға қалай әсер етеді? Жеңіл атлетикамен айналысқан кезде жарақат алмау үшін қандай қауіпсіздік ережелерін сақтауымыз қажет? Сыныптастарыңызбен қандай білім, дағдылармен бөлісе аласыз? Өз денсаулығына деген қауіп-қатерді қалай анықтауға болады?

Сабақ соңында білім алушылар демді қалыпқа келтіру жаттығуларын орындап, рефлексия жүргізеді:

 - нені білдім, нені үйрендім?

 - нені толық түсінбедім?

 - немен жұмысты жалғастыру қажет?- деген сұрақтары бар парақшаға жауап береді.

Сабақ уақытында орындаған жұмыстарын бағалау үшін білім алушыларға дескрипторлар арқылы бірін-бірі бағалау ұсынылады.

Саралау – оқушыларға қалай көбірек қолдау көрсетуді жоспарлайсыз? Қабілеті жоғары оқушыларға қандай міндет қоюды жоспарлап отырсыз?

Өз денсаулығына деген қауіп-қатерді барлық білім алушылар анықтай біледі деп жоспарлап отырмын.

Қабілеті жоғары оқушыларға өз денсаулығына деген қауіп-қатерді анықтау кезінде сыныптастарына ақыл-кеңес беруді ұсынамын.

Сабақ бойынша рефлексия

Сабақ мақсаттары/оқу мақсаттары дұрыс қойылған ба? Оқушылардың барлығы ОМ қол жеткізді ме?

Жеткізбесе, неліктен?

Сабақта саралау дұрыс жүргізілді ме?

Сабақтың уақыттық кезеңдері сақталды ма?

Сабақ жоспарынан қандай ауытқулар болды, неліктен?

 Жалпы баға

 Сабақтың жақсы өткен екі аспектісі (оқыту туралы да, оқу туралы да ойланыңыз)?

 1:

 2:

 Сабақты жақсартуға не ықпал ете алады (оқыту туралы да, оқу туралы да ойланыңыз)?

 1:

 2:

 Сабақ барысында сынып туралы немесе жекелеген оқушылардың жетістік/қиындықтары туралы нені білдім, келесі сабақтарда неге көңіл бөлу қажет?