👈 қаріп өлшемі 👉

Өнер алды-қызыл тіл. Бала-бауыр-етің. Әдебиеттік оқу, 3 сынып, нұсқаулық.


Пән: Әдебиеттік оқу

Бөлім: Өнер

Сынып: 3

Сабақ тақырыбы: Өнер алды-қызыл тіл Бала-бауыр-етің

Оқу мақсаттары:

3.1.4.1 сөйлеу барысында мақал-мәтелдерді/ нақыл сөздерді, вербалды емес тілдік құралдарды қолдану

3.2.4.1 өлең, мысал, нақыл сөз, аңыз, бата, әңгіменің жанрлық ерекшеліктерін анықтау

Сабақ мақсаттары:

Барлық оқушылар: аңыздың мазмұнын түсінеді

Көпшілік оқушылар: сөйлеу барысында мақал-мәтелдерді/ нақыл сөздерді орынды қолданады

Кейбір оқушылар: аңыз-әңгіменің жанрлық ерекшеліктерін анықтайды

Бағалау критерийлері

Аңыз- әңгіменің негізгі ойын анықтайды

Сөйлеу барысында мақал-мәтелдерді, нақыл сөздерді қолданады

Мәтінді жанры бойынша ажыратады

Сабақ барысы

Сабақтағы жоспарланған іс-әрекет

Сабақтың басы

Ширату тапсырмасы

«Гүлмен тілек»(сергіту және топқа біріктіру)

Оқушылар арнайы дайындалып келген гүлді алақандарына салып тұрып, бір-біріне тілек тілейді және гүлдің астына жазылған сөздер бойынша топқа біріктіріледі.

І топ Тапқырлар

ІІ топ Шешендер

ІІІ топ Даналар

ІҮ топ Өнерлілер

Сабақтың ортасы

Автормен танысу

Қаз дауысты Қазыбек би, Қазыбек Келдібекұлы – қазақ халқының XVII – XVIII ғасырлардағы ұлы үш биінің бірі, көрнекті қоғам және мемлекет қайраткері.

 Орта жүз арғын тайпасының қаракесек руына кіретін Болатқожа атасынан шыққан ол 1667 жылы Сыр бойында дүниеге келген. Арғы аталары Шаншар абыз, Бұлбұл, өз әкесі Келдібек — есімдері елге белгілі әділ билер болған.

Қаз дауысты Қазыбектің оқыған жерлері, алған білімі туралы нақты дерек жоқ. Дегенмен, ел аузындағы әңгіме, аңыздар мен биден жеткен шешендік сөздер оның өз заманында білімді де жетелі, халықтың ауыз әдебиеті мен салт-дәстүр, рәміздерін, ата жолы заңдарын мейлінше мол меңгерген, озық ойлы, әділ де көреген, батыл да батыр адам болғандығын айқын аңғартады

1-тапсырма

(Ө, Т)«Джигсо» әдісі

Көлемді мәтін төрт бөлікке бөлінеді оқушыларда төрт адамдық шағын топтарға бөлініп («бастапқы топ»), 1-ден 4-ке дейін нөмірленеді. Осыдан кейін олардың әр-қайсысы өз нөміріне сәйкес мәтіннің бір бөлігін ғана оқиды. Содан кейін топтар құрамы өзгертіліп, жаңа топтар («сарапшылар тобы») тобы құрылады,сарапшылар топтарында оқушылар өз нөмірлері бойынша жинақталады: мәтіннің № 1 бөлігін оқыған оқушылар 1 топқа т.с.с. Өкілдер басқа топтарға барып, өз жұмыстарын таныстырады, топтық талқылау жүреді.

Топтар Қазыбек биге келген екі ананың сөзін салыстыра сипаттап жазады

Екеуіне ортақ

сипат

Нұсқаулық:Мәтін төрт бөлікке бөлінеді. Бөліктер топтағы оқушыларға таратылады. Топтық талқылау жүреді.

Саралау:Ынтымақта бірлікте жұмыс жасап, білгенін жолдастарымен бөлісіп, түйінді ойды, тақырыпты ортаға салып талқылайды.

ҚБ «Жұлдызша»

Жақсы жұмыс жасаған топқа жұлдызшалар тарату

Ресурстар:Мәтін бөліктері жазылған парақшалар

2-тапсырма

(Ұ, ЖЖ) «Радиоға қоңырау шалу» әдісі

Талқылау тақырыбы радио жүргізушісімен таңдалады.Үш қонақ рольдік карточка алып, сол карточкадағыдай рольдерін ойнауы тиіс. Құрдастар аудиториясы,сұрақтарымен «қайта қайта қоңырау шалады», белгілер жасап және т.б. жазып отырады.

Рольдер:Қазыбек би,бірінші ана,екінші ана.

Үлгі:

-Балаңызды қалай танып қойдыңыз?

-Баланы асырап алудың себебі неде?

-Қазыбек би сіз төрелігін әділ шештім деп ойлайсыз ба?

т.б сұрақтар қойылады

Нұсқаулық:Оқушылар тақырыпқа байланысты ашық және жабық сұрақтар қояды.

Саралау: Белсенді тыңдау, талқылаудың көп жақтарын көрсетеді.

Жарайсыңдар!», «Өте жақсы»,

«Керемет!» сөздерімен мадақтау арқылы бағалау

3-тапсырма

(Ж,ЖЖ) «Жалғасын тап» әдісі

Сөйлемнің басы жазылған парақшаларды оқушыларға таратады, олар ойды жалғастырып сөйлемді толықтырып айтады.

Меніңше,Қазыбек би әділ қазы деп ойлаймын.Себебі...

Меніңше,Қазыбек би әділ қазы емес деп ойлаймын.Өйткені...

Нұсқаулық: Әрбір топқа бір сұрақ беруге болады.Сұрақтарға әртүрлі жауап күтіледі

Саралау: Оқушының логикалық ойлауы дамиды, жылдам ой түйіндейді.

ҚБ «Екі жұлдыз, бір тілек»

Топтарды бағалау үдерісінде екі жұлдыз және бір тілек айтамын.

Екі жұлдыз – жұмыстарында ерекше ұнағаны

Бір тілек - жақсартуға болатыны

4-тапсырма

(Т) Қазыбек бише шешендік сөз құрастырып көр

Қазыбек бидің шешендік сөзін үлгі ретінде топтарға беру

Адал болсаң-досың жақын,

Еркелейтін-немерең жақын.

Не жақсы?

Не ыстық?

Нұсқаулық:Топтағы оқушылар бірлесе отырып құрастыруға болады.

Саралау: Жұмысқа берілген уақытта топтарды тез және үйлесімді жұмыс жүргізуге жұмылдыру

ҚБ «Бір-бірін бағалау»

Оқушылар бір-бірінің жұмысын бағалайды. Өз жұмысында нені жақсарту керектігін анықтайды.

Сабақтың соңы

«Шеринг» әдісі

Барлығы шеңберде отырады, жүргізуші бастап, кезекпен барлығы тақырып бойынша түйінді ойды қорытындылайды. Идеялар қайталанбау керек.

[attachment=25893:nsauly-bala-bauyr-eti.docx]
Кейінірек оқу үшін сақтап қойыңыз:


Қарап көріңіз 👇



Жаңалықтар:
» Алаяқтар IPO бойынша жалған мобильді қосымшаларды іске қосты 29.11.2022
» Айлакер-алаяқтар интернетте делдалдарды қалай және қандай мақсатпен іздейді 26.11.2022
» Түркия: Ыстанбұлда тағы жарылыс 17.11.2022

Пікір жазу



Келесі мақала, жүктелуде...
Біз cookie файлдарын пайдаланамыз!
Біздің сайтты пайдалануды жалғастыра отырып, сіз сайттың дұрыс жұмыс істеуін қамтамасыз ететін cookie файлдарын өңдеуге келісім бересіз. Cookie файл деген не?
Жақсы